MATEUS 19:19 - BIBEL JAMITA NA DENGGAN

¹⁹ Pasangap ma amangmu dohot inangmu. Dung i haholongi ma donganmu jolma songon pangkaholongimu di dirimu sandiri.”

MATEUS 19:19 ပူးပေါင်းရင်းမြစ်များ

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

MATEUS 19:20

“Anggo parenta na songon i do, madung hupatulus do i,” ning doli-doli i, “Aha dope na porlu?”

MATEUS 22:39

Tona na ummarga na paduahon, sarupa dohot tona na parjolo nangkin: Angkon haholonganmu do donganmu jolma songon pangkaholongimu di dirimu sandiri.

MATEUS 5:43

“Madung dibege hamu taringot tu pangajaran on: Haholongi ma donganmu, goyak ma rohamu mida alomu.

LUKAS 10:27

Mangalusi ma bayo i, “Angkon holong do rohamu di Tuhan Debatamu sian sandok ate-atemu, sian sandok rohamu, sian sude gogomu, dohot sian sandok pikiranmu. Jana, angkon holong do rohamu di donganmu jolma songon pangkaholongimu di dirimu sandiri.”

SURAT NI SI PAULUS TU PARLAGUTAN ROM 13:9

Angke adong do tarsurat: Ulang markarosuan; ulang mamunu jolma; ulang manangko; ulang impol rohamu di sanga aha pe nampuna ni halak na asing; sudena i bope dohot angka aturan na asing i, nirahut do gabe sada aturan sajo, i ma na mandok, “Haholongi ma donganmu jolma songon pangkaholongimu di dirimu sandiri.”

GALATIA 5:14

Angke sude Tona i dipasada do di bagasan sada parenta na mandok, “Angkon haholonganmu do donganmu jolma songon pangkaholongimu di dirimu sandiri.”

PANGARATAION 5:16

Pasangap ma amangmu dohot inangmu; songon na diparentahon ni Tuhan Debatamu, anso sonang jana ginjang umurmunu di tano na nilehen ni Tuhan Debatamu di ho.

JAKOBUS 2:8

Na denggan ma na nibaenmunu muda dipatulus hamu tona na gumodang tarsurat di Buku Na Badia i na mandok, “Haholongi ma donganmu jolma songon pangkaholongimu di dirimu sandiri.”