MATEUS 19:17 - BIBEL JAMITA NA DENGGAN

¹⁷ Dialusi Jesus ma, “Biasi tu Au ho manyapai sanga aha na denggan? Hum sada do na denggan, i ma Debata. Muda lungun rohamu dapotan hangoluan na so mantak, angkon oloanmu do angka parenta ni Debata.”

MATEUS 19:17 ပူးပေါင်းရင်းမြစ်များ

NEHEMIA 9:29

Digorahon do halahi anso mangoloi tu ajaranMu, tapi ditulakkon halahi do sian ginjang ni rohana uhumMu. Hape nian sugari dipatulus uhumMi, na pasti tarjamin do ngolu ni halahi. Sijogal rungkung do halahi jana na tangkang marroha, na so ra tumangihon, na sai manggaga.

MASMUR 119:68

Na denggan ma antong rohaMu, jana denggan muse pambaenanMu ajarkon ma tu au angka hatontuan na nibaenMu.

MASMUR 52:1

O jolma na gogo, biasi hagodangkononmu hajahatan na nibaenmu tu halak na nihaholongan ni Debata?

JEHESKIEL 20:21

Hape angka na umposo i pe manggagai do tu Au. Dilaosi halahi do angka tona na sian Au jana dipasiding halahi do parenta na sian Au, na manjamin tongtong mangolu sanga ise na mandalankonsa. Jadi hara ni i madung hobas Au laho palaluhon murukKu maradopkon halahi di parhorsihan i jana mamunu halahi sude.

HAMALIMON 18:5

Karejohon ma angka aturan bope angka uhum na dung Hulehen di ho. Muda dibaen hamu songon i, malua ma ho. Au do Tuhan.”

SURAT NI SI PAULUS TU PARLAGUTAN ROM 10:5

Disuratkon si Musa do taringot tu hatigoran na ro sian Tona i, “Halak na mangkarejohon Tona i, mangolu do markite-hite i.”

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

1 JOHANNES 4:16

Taboto jana tahaporsayai do holong ni roha ni Debata maradopkon hita. Holong ni roha do Debata. Sanga ise na sai torus mangkaholongi halak na asing, na maringanan do ia di bagasan Debata jana Debata di bagasan ia.

1 SAMUEL 2:2

Nada adong na badia songon Tuhan, nada adong na gogo songon Ia, nada adong na songon Ia na bisa gabe parondingan.