MATEUS 19:14 - BIBEL JAMITA NA DENGGAN

¹⁴ Gabe didok Jesus ma tu anak siseanNia i, “Padiar hamu ma marroan dakdanak i tu Au! Ulang larang hamu halahi. Harana angka halak sisongon on do na gabe anggota di Harajaan Ni Banua Ginjang.”

MATEUS 19:14 ပူးပေါင်းရင်းမြစ်များ

PAMUNGKAAN 21:4

Jana di na marumur salapan ari si Ishak, disunat si Abraham ma ia hombar tu parenta na nidok ni Debata.

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

MATEUS 18:3

Sasintongna do na Hudok on tu hamu, “Muda so muba rohamunu jana mulak songon dakdanak on, nada tarbaen hamu masuk tu Harajaan Ni Banua Ginjang.

MATEUS 19:15

Jadi diampehon Jesus ma tanganNia tu ulu ni angka dakdanak i, dung i kehe ma Ia sian i.

MATEUS 5:10

Martua ma angka na diayak-ayak hara ni hatigoran i, dibaen di halahi do Harajaan Ni Banua Ginjang.

MATEUS 5:3

“Martua ma angka na dangol di tondina, dibaen di halahi do Harajaan Ni Banua Ginjang!

MARKUS 10:14

Jadi marnida i muruk ma Jesus didok Ia ma tu angka anak siseanNia i, “Padiar hamu ma marroan angka dakdanak i tu Au! Ulang rarang hamu halahi. Angka halak sisongon i do na gabe nampuna Harajaan Ni Debata.

MARKUS 10:15

Tutu do na Hudok on! Sanga ise na so manjagit Harajaan Ni Debata songon panjagit ni sada dakdanak, inda tarbaen halahi gabe anggota ni Harajaan Ni Debata i.”

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.

HAKIM-HAKIM 13:7

Tapi didok ia na giot denggan ma pamatangku jana tubuhononku anak halaklahi. Didok ia dope, nada tola au minum anggur sanga minum na pamabukkon sanga mangankon bagi aha na haram, harana angkon dipasahat do dakdanak i tu Debata gabe sada halak nasir salolot mangolu.

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”

1 SAMUEL 1:22

Tapi anggo sanoli on nada dohot si Hanna. Didok ia tu halaklahinia i, “Disi mantak managuk si Samuel taruhononku ma tu Bagas Ni Tuhan, jana disi ma ia maringanan salolot mangolu.”

1 SAMUEL 1:24

Dung mantak managuk si Samuel, ditaruhon inangnia ma ia tu Bagas Ni Tuhan di Silo, haru pe laing menek sajo dope ia. Dioban si Hanna muse ma sada lombu jantan na marumur tolu taon, topung sakaleng dohot sada kantongan na gok marisi anggur.

1 SAMUEL 2:18

Anggo si Samuel anak ni si Hanna i, dipupu ia do mangoloi Tuhan. Mamake baju efod do ia na dibaen sian abit linen, songon baju parkobas ni angka malim.