MATEUS 19:13 - BIBEL JAMITA NA DENGGAN

¹³ Adong ma angka na maroban dakdanak tu Jesus anso diampehon Ia tanganNia tu ulu ni angka dakdanak i manangiangkon halahi. Tapi digorahon anak siseanNia i ma halahi.

MATEUS 19:13 ပူးပေါင်းရင်းမြစ်များ

PAMUNGKAAN 48:1

Dung adong sanga sadia honok, adong ma na ro paboahon tu si Josep, marnyae amangnia i. Jadi kehe ma ia mangaligi si Jakob dohot anaknia na dua i, si Manase dohot si Efraim.

JEREMIA 32:39

LehenonKu ma tu halahi sada sajo tujuan ni ngoluna: i ma, pasangapkon Au salolot-lolotna; na patongon na denggan do i tu halahi sandiri, dohot tu pomparan ni halahi.

MATEUS 16:22

Dung i ditogu si Petrus ma Jesus tu duru laho manggorahon Ia. Didok si Petrus, “Sai dipadao Debata ma na songon i sian Ho, Tuhan! Sai ulang ma tulus pangalaho na songon i tu Ho!”

MATEUS 19:12

Harana adong do halak na so bisa marripe, angke songon i hian do halahi sian mulai sorang. Adong muse do halak na so marripe hara ni na nibaen ni halak songon i. Dung i adong muse do halak na so marripe hara ni por ni rohania sandiri jana hara ni Harajaan Ni Banua Ginjang. Sanga ise na sanggup manjagit pangajaran on, halahi sajo ma manjagitsa.”

MATEUS 20:31

Dimuruhi halak na bahat i ma halahi, anso sip. Tapi mur marsurahi do halahi, “O, Tuhan, Anak Ni si Daud, ibo ma rohaMu mida hami!”

BAENON NI ANGKA RASUL 2:39

Angke tu hamu do ale angka dongan, dohot tu pomparanmunu, songon i muse tu angka halak na maringanan di na dao do na nijanjihon ni Debata i – i ma sudena halak na nipiohon ni Debata Tuhanta i anso ro tuSia.”

1 KORINTUS 7:14

Harana gabe diparbadiai do halaklahi na so porsaya i markite-hite dadaborunia i, jana dadaboru na so porsaya i pe diparbadiai markite-hite halaklahinia. Sugari nada songon i, gabe ramun do angka dakdanakmunu, tapi anggo saonnari na badia do halahi.

1 SAMUEL 1:24

Dung mantak managuk si Samuel, ditaruhon inangnia ma ia tu Bagas Ni Tuhan di Silo, haru pe laing menek sajo dope ia. Dioban si Hanna muse ma sada lombu jantan na marumur tolu taon, topung sakaleng dohot sada kantongan na gok marisi anggur.