MATEUS 19:12 - BIBEL JAMITA NA DENGGAN

¹² Harana adong do halak na so bisa marripe, angke songon i hian do halahi sian mulai sorang. Adong muse do halak na so marripe hara ni na nibaen ni halak songon i. Dung i adong muse do halak na so marripe hara ni por ni rohania sandiri jana hara ni Harajaan Ni Banua Ginjang. Sanga ise na sanggup manjagit pangajaran on, halahi sajo ma manjagitsa.”

MATEUS 19:12 ပူးပေါင်းရင်းမြစ်များ

JESAYA 39:7

Sian angka pomparanmu adong ma i na giot buaton jana baenonna gabe pagawe bagas godang laho mangoloi raja ni Babel.”

MATEUS 19:11

Dialusi Jesus ma, “Inda sude halak ra manjagit hata na songon i, hum angka na dung dipasupasu sajo do.

MATEUS 19:13

Adong ma angka na maroban dakdanak tu Jesus anso diampehon Ia tanganNia tu ulu ni angka dakdanak i manangiangkon halahi. Tapi digorahon anak siseanNia i ma halahi.

1 KORINTUS 9:15

Tapi haru songon i pe nada unjung dope hupargunahon angka hak na songon i. Jana hubaen surat on nada anso dibaen songon i tu au saonnari. Gumonan do au mate ulang pado mago pangalaho na denggan na huhajopkon i.

1 KORINTUS 9:5

Nada he adong do haknami marbagas jana mardongan dadaboru di pardalanannami; laing songon rasul na asing, sanga songon angka anggi ni Tuhan dohot si Kepas?

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.