MATEUS 18:9 - BIBEL JAMITA NA DENGGAN

⁹ Dung i muda hara ni matamu do ho gabe mardosa, pulsikkon ma i ambungkon matami. Gumonan do mangolu ho sada mata ulang pado disampakkon ho tu api narako laing disi matami na dua i.”

MATEUS 18:9 ပူးပေါင်းရင်းမြစ်များ

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

MATEUS 18:8

Muda hara ni tanganmu sanga hara ni patmu mardosa ho, ponggolkon ma i, ambungkon ma tanganmi sanga patmi. Gumonan ma ho mangolu rap dohot tangan sabariba sanga pat sabariba, ulang pado martangan ho dua-dua sanga laing marpat ho dua-dua, hape ho sandiri niambungkon tu api na so ra mintop.

MATEUS 19:17

Dialusi Jesus ma, “Biasi tu Au ho manyapai sanga aha na denggan? Hum sada do na denggan, i ma Debata. Muda lungun rohamu dapotan hangoluan na so mantak, angkon oloanmu do angka parenta ni Debata.”

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

MATEUS 5:29

Muda mardosa ho hara ni matamu siamun i, pulsikkon ma i anso ambungkon! Gumonan do mago deba parkokas ni pamatangmi ulang pado sudena niambungkon tu narako.

MARKUS 9:47

Muda hara ni matamu do gabe mardosa ho, pulsikkon ma mata i! Gumonan ma ho masuk tu Harajaan Ni Debata marmata sada sajo, ulang pado diambungkon ho marmata dua tu narako.

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

IBRANI 4:11

Hara ni i ringgas ma hita anso dohot hita masuk tu inganan paradianan i. Ulang jabat adong sahalak pe sian hita na madabu hara ni na mangihutkon tiruan na binaen ni na so porsaya i.

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.