MATEUS 18:7 - BIBEL JAMITA NA DENGGAN

⁷ Marjaya do portibi on hara ni angka pangalaho na di bagasanna, i ma na mambaen halak gabe mardosa. Tutu angkon sai tongtong do adong na songon i. Tapi marjaya ma halak na gabe parbonciranna!

MATEUS 18:7 ပူးပေါင်းရင်းမြစ်များ

PAMUNGKAAN 13:7

Gabe martangkangi ma angka parmahan ni si Abram dohot parmahan ni si Lot. (Laing maringanan dope hatiha i halak Kanaan dohot halak Peris disi.)

2 SAMUEL 12:14

Tapi dibaen madung sanga layas Tuhan dibaen raja i hara ni pangalaho i, gabe mate do anak ni raja na sorang i.”

MATEUS 16:23

Tapi humusor ma Jesus manaili tu si Petrus, didok Ia ma, “Morot ho sian on, Sibolis! Gabe batu partuktuhan do ho di Au. Pikiran ni jolma do pikiranmi! Inda pikiran ni Debata na songon i!”

MATEUS 26:24

Tutu nian, angkon kehe do Anak Ni Jolma i songon na dung tarsurat hian di Buku Na Badia i paboa na angkon mate Ia. Tapi marjaya ma halakna i na manghianat tu Anak Ni Jolma i! Sugari gumonan hian do indangkon sai jungada ia sorang!”

MARKUS 13:7

Muda dibege hamu sora ni na marporang dohot angka barita ni porang, ulang mabiar hamu. Angkon masa do sisongon i. Tapi nada podo hasidunganna.

LUKAS 17:1

Didok Jesus ma tu angka siseanNia i, “Angkon sai adong do angka pangalaho na mambaen jolma gabe mardosa. Tapi marjaya ma na mambaen pangalaho sisongon i!

JOHANNES 17:12

Salolot rap Au dohot halahi di portibi on, madung Hujagohon halahi markite-hite kuaso ni Damang i – i ma kuaso na nilehen ni Damang i tu Au. Madung Huondingi halahi na nipasahat ni Damang tu Au, jana umpe sada sian halahi na mago, asing ni anak mago i; anso laing tulus ma na tarsurat di Buku Na Badia i.

BAENON NI ANGKA RASUL 1:16

“Hamu ale angka dongan! Angkon tulus do tarjadi sanga aha na tarsurat di Buku Na Badia i. Najolo madung dipaboa Tondi Parbadia markite-hite si Daud taringot tu si Judas, i ma na manguluhon halak laho manangkup Jesus i.

1 KORINTUS 11:19

Madung sapatutna masa parsalisian di hamu, anso tarida sanoli on sanga ise Kristen na tahan uji.

1 TIMOTEUS 6:1

Angka halak Kristen na gabe hatoban, angkon etongon ni halahi do na patut nihormatan tuan ni halahi i anso ulang tarpajatjat halak Debata sanga pe pangajaranta.

TITUS 2:5

anso malo mangarajai dirina, anso ias dohot anso gabe ina na denggan di rumahtanggana na mangoloi tu halaklahina. Jadi muda songon i, nada tarincahi halak be jamita na sian Debata.

TITUS 2:8

Angka pandohan na tabo ma pake, na so tarincahi halak, anso maila angka halak na mangalo ho angke sada pe nada adong na hurang denggan dapot halahi sihataanna taringot tu hita.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.

1 SAMUEL 2:17

Songon i ma anak ni si Eli na dua i mardosa godang di adopan ni Tuhan, hara ni na so adong be sangap ni halahi tu haul na nihaulkon tu Tuhan.