MATEUS 18:28 - BIBEL JAMITA NA DENGGAN

²⁸ “Tapi di na kehe i haruar naposo i, marsuo ma ia dohot dongannia, rap naposo do halahi. Adong utang ni dongannia i tusia sanga na piga pulu ribu. Hape ditangkup ia ma manigor dongannia i lalu dipingkok ia jana didok ia ma tu dongannia i, ‘Garar sude utangmi tu au,’ ning ia.

MATEUS 18:28 ပူးပေါင်းရင်းမြစ်များ

NEHEMIA 10:31

Muda adong bangso na asing na giot manggadis gandum sanga na barang aha pe tu hami di Ari Sabat sanga di ari na badia na asing i, nada giot tobusonnami i. Ganop di taon papituhon, nada giot karejohononnami ladang jana nada tungguonnami utang.

NEHEMIA 5:7

jana huputuskon ma laho mambaen tindakan. Jadi hugorahon ma angka hatobangon dohot pamimpin ni rayat i. Hudok ma, “Dipisat hamu do angka kahanggimunu sandiri!” Dung i hubaen ma sada rapot godang laho mangurus pangalaho i,

PODA 28:3

Pangarajai na mamisat halak na pogos, songon udan potir na manyegohon parbatu ni suan-suanan.

JESAYA 58:3

Disapai bangso i do, “Aha gunana puaso hita anggo na so niida ni Debata! Aha gunana tapaserep rohanta, anggo na so diparrohahon Ia do?” Ninna Tuhan, “Satutuna muda hatiha puaso hamu, na marsijalahi untungna be do hamu jana mamoro sian angka halak na niupaanmunu.

JEHESKIEL 45:9

Didok Tuhan Debata i ma, “Tuk ma da angka dosamunu i, ale angka parkuaso ni Israel! Antak hamu ma na mambaen roha-rohamunu i dohot na mamisat rayat i. Baen hamu ma na tigor dohot na sintong. Na so jadi usironmunu be bangsongKu sian tano ni halahi. Au, Tuhan Debata do mamarentahon i tu hamu.

MATEUS 18:27

Ibo ma roha ni raja i midasa. Gabe dipalua raja i ma ia. Disesa ma sude utangnia i.”

MATEUS 18:29

Gabe manungkap ma dongannia i tusia marsomba-somba, ‘Sobar ma ho jolo dongan,’ ning ia. ‘Hugarar pe sude!’

MATEUS 20:2

Jadi dung sada rohania manggarar upa ni parkarejo i sada hepeng perak sadari, disuruhon ia ma halahi markarejo di kobun anggurnia i.

MARKUS 14:5

Harana sugari nigadis miak i, ma mararga i lobi tolu ratus hepeng perak. Madung tarlehen hepengna i tu angka halak na pogos!” Gabe dimuruhi halahi ma anak boru i.

MARKUS 6:37

Tapi dialusi Jesus ma, “Angkon lehenonmunu do halahi mangan!” “Jadi angkon kehe noma hami manobusi roti arga dua ratus hepeng perak baen panganon ni halahi sude?” ninna anak sisean ni Jesus i.

LUKAS 10:35

Ancogotna i diparuar ia ma dua hepeng perak, dilehen ia ma i tu nampuna bagas parbornginan i. ‘Pature-ture ma jolo,’ ning ia tu nampuna parbornginan i. ‘Muda mulak au muse tuson hugarari pe harugian na nipakemu laho pature-ture ia.’ ”

LUKAS 7:41

Ninna Jesus ma, “Adong ma dua halak na marutang tu bayo parutangan. Na sada marutang ma tusia lima ratus hepeng perak, jana na sahalak nari lima pulu hepeng perak.

JOHANNES 6:7

Dialusi si Pilipus ma, “Roti arga dua ratus hepeng perak nada tuk di angka jolma on, harupe hum saotik be sahalak.”

PANGARATAION 15:2

Songon on ma pambaenna. Ganop halak Israel na painjamkon hepeng tu dongan sabangsona, angkon sesaonna ma utang i. Tuhan sandiri do na manyesa utang i, jadi nada tola tungguonmunu be i.