MATEUS 18:25 - BIBEL JAMITA NA DENGGAN

²⁵ nada targararsa be utangna i. Jadi didok raja i ma anso nigadis bayo i rap dohot sude halahi na sabagas dohot sude sinadongannia laho manggarar utangnia i.

MATEUS 18:25 ပူးပေါင်းရင်းမြစ်များ

2 RAJA-RAJA 4:1

Sanoli ro ma sahalak na manghabaluhon sada panurirang tu si Elisa, didok ma, “Amang, madung jumolo halaklahingku! Tangkas do diboto amang haburjuonnia mangoloi Debata, tapi marutang do ia tu halak. Saonnari giot buaton ni bayo i ma anakku na dua i giot baenonnia gabe hatobannia.”

NEHEMIA 5:5

Nada he laing halak Jahudi hami? Nada he dos dakdanaknami dohot angka dakdanak Jahudi na asing i? Haru songon i pe tarpaksa hami padiar angka dakdanaknami i gabe hatoban. Adong dope tehe sian angka borunami na gabe hatoban sigadison. Nada adong be gogonami harana ladang dohot kobun anggurnami madung hami gadehon.”

NEHEMIA 5:8

jana hudok ma, “Sagogonami do hami baen manobus angka kahangginami halak Jahudi na tarpaksa manggadis dirina tu bangso na asing. Hape saonnari hamu muse noma mamaksa halahi manggadis dirina tu hamu, haru pe nian laing halak Jahudi do halahi!” Nada taralusi angka pamimpin i sangkababa hata pe.

HARURUAR 21:2

Muda adong sian hamu na manobusi hatoban halak Ibrani, parhatoban hamu ma i onom taon honokna. Di taon papituhon angkon paluaonmunu ma ia so pola margarar sanga na aha.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

HAMALIMON 25:39

Muda adong sada halak Israel na donok tu hamu gabe pogos, gabe digadis ia dirinia tu ho gabe hatobanmu, nada tola suruonmu halahi mangkarejohon karejo ni hatoban.

MATEUS 18:24

Dung dipungka ia na maretong dioban ma mangadop tusia sahalak naposonia i. Marutang ma naposonia i marjuta-juta,

LUKAS 7:42

Nada targarar halahi na dua utang ni halahi i. Gabe disesa bayo parutangan i ma utang ni halahi na dua. Antong, ise ma sian halahi na dua na humolong rohana mida na painjamkon hepeng i?”