MATEUS 18:24 - BIBEL JAMITA NA DENGGAN

²⁴ Dung dipungka ia na maretong dioban ma mangadop tusia sahalak naposonia i. Marutang ma naposonia i marjuta-juta,

MATEUS 18:24 ပူးပေါင်းရင်းမြစ်များ

PAMUNGKAAN 44:10

Didok parkobas i ma, “Satuju! Tapi hum na mambuat piala i sajo pe da gabe hatobanku, anggo na asing i tola ma kehe.”

1 JUJUR TAON 29:7

Jadi dilehen halahi muse angka bahan na dison laho mambangun Bagas Ni Debata i: Sere lobi saratus pitu pulu ton, perak lobi tolu ratus opat pulu ton, tumbaga mardonok tu onom ratus dua pulu ton dohot bosi lobi tolu ribu opat ratus ton.

ESRA 9:6

Hudok ma, “O, ale Debatangku, maila do au mangangkat tanganku di adopanMu. Martimpa-timpa do dosanami di ginjang ni ulunami lalu dais tu langit.

MASMUR 38:4

Mogap-ogap do au di bagasan pangalantap ni hasalaanku, maborattu boban ni dosangku tanggungonku.

MASMUR 40:12

Dirongomi parmaraan na jorbut do au na so taretong bilanganna. Diayak-ayak angka dosangki do au nada tarbaen au be mangaligi. Bilanganna lobi sabahat ni obuk na di ulungku, na mambaen manderse rohangku.

MATEUS 18:23

Harana anggo Harajaan Ni Banua Ginjang tarsongon sada raja na giot pasalosehon angka utang ni naposonia do i.

MATEUS 18:25

nada targararsa be utangna i. Jadi didok raja i ma anso nigadis bayo i rap dohot sude halahi na sabagas dohot sude sinadongannia laho manggarar utangnia i.

MATEUS 25:15

Dipasahat ia ma tu halahi hombar tu hamaloonna be. Tu na sada dilehen ia lima ribu hepeng perak. Tu na sada nari dilehen ia dua ribu hepeng perak. Dung i tu na sahalak nari dilehen ia saribu hepeng perak. Dung i kehe ma ia.

MATEUS 25:16

Jadi kehe ma manigor naposo na manjagit lima ribu i, marjagal. Gabe maruntung muse ma ia lima ribu hepeng perak.

MATEUS 25:20

Masuk ma naposo na maniop silima ribu hepeng perak i pasahatkon sampulu ribu hepeng perak tu tuanna i. ‘Tuan,’ ning ia, ‘lima ribu hepeng perak do na nipasahat ni tuan i tu au, saonnari diligi tuan i ma, maruntung do au lima ribu hepeng perak.’

MATEUS 25:22

Dung i masuk muse ma naposo na manjagit sidua ribu hepeng perak i. ‘Tuan,’ ning ia, ‘dua ribu hepeng perak do na nipasahat ni tuan i tu au. Diligi tuan i ma saonnari. Maruntung do au dua ribu nari.’

MATEUS 25:24

Dung i masuk ma naposo na manjagit sisaribu hepeng perak i. Didok ia ma, ‘Tuan, hutanda do halak na mangasahon gogo do tuan i. Dibuat tuan i do suha sian na so nisuan ni tuan i, dung i dibuat tuan i do suha sian na so nisabur ni tuan i.

LUKAS 13:4

Bia muse ma sisalapan bolas halak na mate di Siloam, na nitinggang ni palas-palas halahi? Ning rohamunu i ma patuduhon na bahatan dosa ni halahi sian pado sude angka halak na asing na maringanan di Jerusalem?

LUKAS 16:5

Jadi dipiohon bendahara i ma sude halak na marutang tu tuannia i. Tu na parjolo didok ia ma, ‘Sadia utangmu tu tuanki?’

LUKAS 16:7

Dung i didok ia ma tu na paduahon, ‘Jadi hamu, sadia ma utangmu?’ Dialusi halahi ma, ‘Saratus harung eme.’ Didok bendahara i ma tusia, ‘Indon ma surat ni utangmi, suratkon ma salapan pulu.’