MATEUS 18:22 - BIBEL JAMITA NA DENGGAN

²² Dialusi Jesus ma, “Ingot ma! Nada hum pitu noli sajo. Tapi pitu pulu noli pitu!

MATEUS 18:22 ပူးပေါင်းရင်းမြစ်များ

PAMUNGKAAN 4:24

Muda pitu hosa disintakkon laho mambalos tu si Kain, angkon pitu pulu pitu hosa ma buaton muda adong na mamunu au.”

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

MIKA 7:19

Maribo ni roha ma Ho mangulahi tu hami jana ampuni ma hami. TaluhononMu do angka dosanami jana ambungkononMu tu tandolan ni laut!

MATEUS 18:23

Harana anggo Harajaan Ni Banua Ginjang tarsongon sada raja na giot pasalosehon angka utang ni naposonia do i.

MARKUS 11:25

Dung i muda martangiang hamu, hape inda sonang rohamu mida sada halak, angkon jolo sesaonmu hasalaan ni halakna i anso disesa Amangmunu na di banua ginjang i muse dosamunu.” [

SURAT NI SI PAULUS TU PARLAGUTAN ROM 12:21

Ulang ma padiar hamu dirimunu ditaluhon na jat i, tapi taluhon hamu ma hajahatan i markite-hite hadengganan.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

EPESUS 4:31

Salpuhon hamu ma sandok hancit ni roha, hosom dohot muruk. Ulang be manyonggahi hamu sanga panyaor-nyaorkon, ulang be adong na margoyak ni roha sanga pangkilalaan na sarupa dohot i.

KOLOSSE 3:13

Angkon sobar do hamu maradopkon dongan jana marsimaapan muda adong na so tabo pangkilalaanna tu donganna. Madung di ampuni Tuhan hamu, jadi hamu pe angkon marsiampunan do sama hamu.

1 TIMOTEUS 2:8

Sanga na di dia pe angkon martangiang do angka halaklahi tu Debata sian roha na ias jana ulang mardongan muruk dohot salisi.