MATEUS 18:20 - BIBEL JAMITA NA DENGGAN

²⁰ Angke sanga di dia rap marlagut dua sanga tolu halak di bagasan goarKu, disi do Au rap dohot halahi.

MATEUS 18:20 ပူးပေါင်းရင်းမြစ်များ

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

HARURUAR 20:24

Baen hamu ma di Au sada langgatan sian tano jana pasahat hamu ma tu Au biri-biri dohot pahan-pahananmunu gabe haul situtungon dohot haul haluaan. Di ganop inganan paribadatanmunu tu Au na dung Hutontuhon, tusi ma Au ro mandapotkon hamu jana disi ma Hupasupasu hamu.

JEHESKIEL 46:10

Angkon rap masuk do parkuaso rap dohot rayat i tu Bagas Ni Tuhan i jana parmulakna pe angkon rap do.

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

MATEUS 18:21

Dung i ro ma si Petrus tu Jesus manyapai, “O, Tuhan! Muda mardosa dongan tu iba, intap ni piga noli do iba mangampuni ia? Tuk ma pitu noli?”

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

JOHANNES 20:19

Laing di Ari Minggu i dung borngin marlagut ma anak sisean ni Jesus di sada bagas. Digoruk halahi ma sude pintu ni bagas i; hara ni na mabiar halahi tu angka parkuaso ni halak Jahudi. Jadi tompu ma ro Jesus jongjong di tonga-tonga ni halahi, ning Ia ma, “Hasonangan ma di hamu!”

JOHANNES 20:26

Dung salapan ari, marlagut ma mangulahi angka sisean ni Jesus di bagas i, dohot ma si Tomas disi. Margoruk do sude pintu ni bagas i. Tapi ro ma Jesus jongjong di tonga-tonga ni halahi, ning Ia ma, “Hasonangan ma di hamu!”

JOHANNES 8:58

Dialusi Jesus ma, “Tutu do na Hudok di hamu: Dompak so sorang dope si Abraham, madung adong hian Au.”

1 KORINTUS 5:4

“Mangasahon goar ni Tuhan Jesus Kristus hudok ma di hamu, angkon niuhum do halak na songon i hodar ni pangalahona!” Jadi muda marlagut hamu jana di tonga-tongamunu au markite-hite tondingku, mangasahon kuaso ni Tuhanta Jesus Kristus,

1 TESSALONIKA 1:1

Sian si Paulus, Silvanus dohot si Timoteus tu parlagutan ni halak Tessalonika na di bagasan Debata Ama dohot Tuhan Jesus Kristus. Asi ni roha dohot hasonangan ma di hamu!

PILEMON 1:2

Songon i muse ma tu si Appia ibotonta dohot tu si Arkhipus dongan saparjuanganta dohot tu parlagutan na di bagasmu.

HALUMBAAN 2:1

“Tu surusuruan ni parlagutan na di Epesus, songon on ma suratkon: On ma barita sian na maniop bintang na pitu i di tangan siamunNia jana na mardalan pahae-pahulu di holang-kolang ni parlampuan sere na pitu i.

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.