MATEUS 18:17 - BIBEL JAMITA NA DENGGAN

¹⁷ Muda laing inda ditangihon ia sipaingot ni halahi i, paboa ma di tonga-tonga ni parlagutan. Muda laing inda ditangihon ia be sipaingot ni parlagutan i, etong hamu ma i songon halak na so mananda Tuhan. Sanga songon sada halak sitagi pajak.”

MATEUS 18:17 ပူးပေါင်းရင်းမြစ်များ

ESRA 6:21

Sudena ma mangankon haul i, i ma halak Israel na dung mulak sian habuangan dohot halak luat i na dung manadingkon parngoluonna na mardosa jana na ro laho marsomba tu Tuhan, Debata ni Israel.

JEHESKIEL 11:12

Jadi gabe botoonmunu ma bahaso Au do Tuhan jana hona uhum ma hamu Hubaen hara ni na mangalaosi angka aturanKu jana nayang rohamunu di angka parentangKu marhite na mangoloi angka tona ni negara-negara na humaliangmu.”

MATEUS 10:3

Dung i muse si Pilipus, si Bartolomeus, si Tomas, si Mateus panjagit pajak i, dung i si Jakobus anak ni si Alfeus, si Tadeus;

MATEUS 11:19

Madung ro Anak Ni Jolma i – na mangan dohot na minum, jadi didok halahi, ‘Ligi ma jolo Bayo i! Na songkalan, hum na minum, didongan-dongani Ia angka sijagit pajak dohot angka pardosa.’ Tapi haru pe songon i, na bisuk do Debata. Tarida do habisuhonNia i sian angka pambaenanNia.”

MATEUS 5:46

Harana, muda hum halak na manghaholongi hamu do dihaholongi hamu, aha labo ni i di hamu? Nada he laing songon i do dikarejohon angka sitagi pajak i?

MATEUS 6:7

Muda martangiang ho, ulang pola maradu ginjang songon na nibaen ni halak na so mananda Tuhan. Ninna roha ni halahi, gabe ditangihon ma tangiang ni halahi hara ni ginjangna.

LUKAS 15:1

Di sada ari, marroan ma bahat angka sitagi pajak dohot angka halak na so ture dietong masarakat manangihon Jesus.

LUKAS 18:11

Jadi tanda sajo ma dibaen Parise i parjongjongnia jana martangiang ma ia, ‘O ale Debata, mandok tarimakasi ma au tu Ho, angke nada sarupa au dohot angka halak na asing i, na manyamun, na so jujur dohot na mangalangkup. Tarimakasi ma hudok dibaen nada tudos au dohot halak sitagi pajak indi.

1 KORINTUS 5:9

Di suratku na salpu i madung hudok tu hamu anso ulang mardongan hamu tu halak parhamainan.

1 KORINTUS 6:1

Biasi adong sian hamu na puluk mandapotkon panguhum na so porsaya tu Tuhan mangaduhon donganna sahaporsayaan muda marbadai hamu dohot donganmunu i? Biasi inda dipangido ia anso angka halak na badia manyalosehon parkaro i?

2 TESSALONIKA 3:6

Mangasahon kuaso ni Tuhan Jesus Kristus hami paingot ma hamu ale angka dongan, paholang hamu ma dirimunu sian angka dongan na losok, jana na so manangihon pangajaran na hami ajarkon tu hamu.

1 TIMOTEUS 6:5

dohot parsalisian na so marujung. Na dung puntol do pikiran ni halak na songon i jana sala. Diambang halahi tarbaen ma dapotan untung sian ugamo.

JOSUA 22:15

Jadi lalu ma halahi mandapotkon angka halak na sian Marga Ruben, Gad dohot Manase Parhabincaran di tano Gilead.