MATEUS 18:15 - BIBEL JAMITA NA DENGGAN

¹⁵ “Muda mardosa kahanggimu tu ho, topotkon ma ia. Paboa tangkas salania i. Sip-sip ma langkahon tusia anso hum hamu na dua sajo. Muda ditangihon ia na nidokmi, madung dapot ho ia mangulahi.

MATEUS 18:15 ပူးပေါင်းရင်းမြစ်များ

MASMUR 141:5

Muda digorahon sanga diuhum halak na tigor au, i ma da sada pangalaho na denggan di au. Tapi anggo pamuji ni halak na jahat nada hujagit i, angke sai torus do au martangiang mangalo hajahatanna i.

PODA 11:30

Halak na daulat tarjamin do ngoluna; jolma na bisuk martamba do parkarejona.

HAMALIMON 19:17

Ulang ho marhosom sanga tu ise pe. Pasidung ma salisimu dohot halak i anso ulang mardosa ho hara ni ia.

MATEUS 18:14

Laing songon i muse ma Amangmunu na di banua ginjang i, nada por rohaNia muda adong na lilu sahalak pe sian angka na menek on.”

MATEUS 18:21

Dung i ro ma si Petrus tu Jesus manyapai, “O, Tuhan! Muda mardosa dongan tu iba, intap ni piga noli do iba mangampuni ia? Tuk ma pitu noli?”

MATEUS 18:35

Laho paujungkon caritoNia i Jesus, didok Ia ma, “Songon i muse ma baenon ni Damang na di banua ginjang i tu hamu, anggo inda ias rohamunu mangampuni donganmunu.”

SURAT NI SI PAULUS TU PARLAGUTAN ROM 12:21

Ulang ma padiar hamu dirimunu ditaluhon na jat i, tapi taluhon hamu ma hajahatan i markite-hite hadengganan.

1 KORINTUS 8:12

Jana muda dibaen hamu hasalaan na songon i maradopkon angka donganmunu Kristen na asing i, na manyego-nyego pos ni rohana na gale i do hamu disi, jadi sarupa tu na mardosa maradopkon Kristus do i.

2 KORINTUS 7:12

Jadi haru pe madung hubaen surat i tu hamu, nada hara ni halak na sala i nibaen surat i. Nada muse hara ni angka na dung marnyae dibaen hasalaan i. Hubaen pe surat i anso diboto hamu sandiri do di jolo ni Debata sanga na bia tangkasna diparrohahon hamu hami.

GALATIA 6:1

Hamu ale angka dongan! Muda tardapot sanga ise mambaen dosa, angkon hamu na sai mangolu mangihutkon Tondi Parbadia i ma paulakkon halahi mangulahi tu dalan na sintong. Tapi angkon mardongan halambohon do hamu patupahon na songon i, jana jamot ma hamu anso ulang jabat hamu hona pandugaan muse.

KOLOSSE 3:13

Angkon sobar do hamu maradopkon dongan jana marsimaapan muda adong na so tabo pangkilalaanna tu donganna. Madung di ampuni Tuhan hamu, jadi hamu pe angkon marsiampunan do sama hamu.

1 TESSALONIKA 4:6

Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.

2 TESSALONIKA 3:15

Tapi ulang ma songon musu baen hamu halak sisongon i; laing paingot hamu ma halahi songon kahanggi.

TITUS 3:10

Sanga ise na patubu bada di parlagutan i angkon paingotonmu do sanoli sanga dua noli; dung i indangkon be sai mardomu ho dohot halakna i.

1 PETRUS 3:1

Laing songon i ma hamu ale angka ina, angkon oloanmunu do halaklahimunu, jadi muda adong sian halahi na so porsaya di hata ni Debata, nada pola porlu dohononmunu sanga na aha pe tu halahi, parangemunu i ma na mambaen halahi gabe porsaya,