MATEUS 18:13 - BIBEL JAMITA NA DENGGAN

¹³ Hudok ma tu hamu, muda dung dapot ia na sada i, tontu jumop ma rohania hara ni biri-biri na sada i ulang pado mida na sambilan pulu sambilan nari angka na so lilu i.

MATEUS 18:13 ပူးပေါင်းရင်းမြစ်များ

MASMUR 147:11

Lomo do roha ni Tuhan tu halak na burju, tu halak na tongtong mararop ni roha tu holongNia.

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

JESAYA 62:5

Songon sada doli-doli na mambuat boru na bujing, songon i ma na manompa ho giot marripehon ho. Songon pangoli na marjop ni roha tu na nibuatnia, songon i ma sonang ni roha ni Debata mida ho.

JEHESKIEL 34:4

Angka biri-biri na gale so jungada dipature hamu, na lilu dohot na mago nada dijalahi hamu anso dioban mangulahi. Mur jingar do pambaenmunu tu biri-birimunu i sudena.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

ZEPANYA 3:17

Diondihon Tuhan Debatamunu na gogo i do hamu. Hara ni gogo ni kuasoNia, monang hamu. Marmoga-moga Tuhan jana marjop ni roha hara ni hamu, di bagasan holong ni rohaNa dilehen Ia di hamu ngolu na imbaru. Hara ni hamu marende ma Ia jana marjop ni roha hara ni hamu,

MATEUS 18:12

“Bia do antong ninna rohamunu? Sugari adong ma sada halak nampuna biri-biri saratus. Dung i lilu ma sada sian biri-biri i. Bia ma baenon ni nampuna i? Tontu ditinggalkon ia ma jolo na sambilan pulu sambilan i di dolok i, gabe kehe ma ia manjalahi na lilu na sada i. Na he songon i do?

MATEUS 18:14

Laing songon i muse ma Amangmunu na di banua ginjang i, nada por rohaNia muda adong na lilu sahalak pe sian angka na menek on.”

1 KORINTUS 13:6

Nada sonang holong ni roha i muda masa hageduhan, hum mida na sintong do marjop ni roha holong i.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!