MATEUS 18:10 - BIBEL JAMITA NA DENGGAN

¹⁰ “Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

MATEUS 18:10 ပူးပေါင်းရင်းမြစ်များ

2 SAMUEL 14:28

Madung dua taon si Absalom maringanan di Jerusalem tapi laing na so marsuo dope ia dohot raja i.

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

ESTER 1:14

Anggo angka panuturi na jumotjot dipio raja i, i ma: Si Karsena, si Setar, si Admata, si Tarsis, si Meres, si Marsena dohot si Memukan. Halahi ma angka na sumurung sian Persia dohot Media na manjagit pangkat na gincat di harajaan i.

MASMUR 15:4

na mandao sian halak na hona bura tapi pasangap halak na burju tu Tuhan; na patulus janjina, haru pe marharugian,

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 34:7

Surusuruan Ni Tuhan manogu halak na burju marugamo, jana na paluahon halahi sian bahaya.

MASMUR 91:11

Angke madung ditonahon Ia surusuruanNia tu ho, anso dijagohon halahi ho di sude dalanmu.

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

MATEUS 1:20

Hatiha manimbangi pangalaho i dope si Josep, marnipi ma ia. Diida ia ma di nipinia i, ro ma sada surusuruan mandok tusia, “Ale Josep, anak ni si Daud, ulang ho mabiar mambuat si Maria gabe dadaborumu. Harana, sian kuaso ni Tondi Parbadia do na di pamatangna i.

MATEUS 12:20

Nada diponggolkon Ia arong na gale-gale i, nada intopanNia sumbu na medep-edep. Angkon gogohononNia do lopus jongjong hatigoran,

MATEUS 18:14

Laing songon i muse ma Amangmunu na di banua ginjang i, nada por rohaNia muda adong na lilu sahalak pe sian angka na menek on.”

MATEUS 18:6

“Sanga ise na mambaen gabe so porsaya be angka na menek on tu Au, gumonan ma ditambatkon losung batu tu rungkung ni halak sisongon i, anso nibonomkon i tu laut na bagas.

MATEUS 2:13

Dung kehe parilmu bintang i, diida si Josep ma sahalak surusuruan di bagasan nipinia. Didok surusuruan i ma tusia, “Jongjong ma ho, boan ma Dakdanak i dohot inangNa i mangungsi tu tano Mesir. Disi ma hamu maringanan lopus ro Au mangulahi mangkatai dohot ho. Harana ditahi roha ni si Herodes do manjalahi Dakdanak i laho mamunusa!”

MATEUS 2:19

Dung mate si Herodes, diida si Josep ma mangulahi sahalak surusuruan di bagasan nipinia.

MATEUS 24:31

Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”

LUKAS 1:19

Dialusi surusuruan i ma, “Si Gabriel do au. Mangoloi Debata do karejongku. Ia do na marsuru au paboahon Jamita Na Denggan on tu ho.

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

LUKAS 16:22

Dung i jumolo ma halak na pogos i jana dioban surusuruan ma ia tu inganan na dumenggan di lambung ni si Abraham di banua ginjang i. Halak na kayo i pe jumolo muse ma jana ditanom.

BAENON NI ANGKA RASUL 10:3

Jadi di sada ari hira-hira pukul tolu arian, tangkas ma diida ia di bagasan sada parnidaan, ro sada surusuruan ni Debata mamiohon ia, “Ale Kornelius!”

BAENON NI ANGKA RASUL 12:15

Jadi didok halahi ma tu dadaboru i, “Na lalaen do ho!” Tapi laing digogohon ia do mandok, na tutu do i. Jadi didok halahi ma, “Surusuruannia do da i!”

BAENON NI ANGKA RASUL 12:23

Santongkin i manigor ro ma Surusuruan Ni Tuhan manampeleng si Herodes, hara ni na so nihormatannia Debata. Dipapangani binga ma ia lalu mate.

BAENON NI ANGKA RASUL 27:23

Harana napotangin madung disuru Debata na husomba i surusuruanNia tu au, Debata i do nampuna au.

BAENON NI ANGKA RASUL 5:19

Tapi bornginna i ro ma sahalak surusuruan ni Tuhan mambuka angka pintu ni hurungan i, dioban ia ma angka rasul i tu ruar. Didok surusuruan i ma tu angka rasul i,

SURAT NI SI PAULUS TU PARLAGUTAN ROM 14:10

Antong, hamu ale angka dongan! Aha ma gunana muda dipasala hamu dongan sahaporsayaanmunu? Jana aha pola gunana lakna muda layas rohamunu mida halahi? Sasudena hita on, angkon mangadop tu Debata anso diuhumi.

SURAT NI SI PAULUS TU PARLAGUTAN ROM 14:21

Gumonan ma indangkon sai nipangan juhut sanga niinum anggur sanga aha sajo pe tehe, muda patunda ni i do tartuktuk dongan na asing.

SURAT NI SI PAULUS TU PARLAGUTAN ROM 15:1

Anggo hita na margogo, angkon manaon hagaleon ni angka na so margogo do. Ulang ma tajalahi hasonangan ni dirinta sandiri.

1 KORINTUS 11:22

Biasi songon i? Inda he adong bagasmunu; di bagasmunu be ma mangan minum hamu! Adong he na giot palayaskon parlagutan ni Debata do hamu jana pailahon angka dongan na pogos? Angkon bia do dokkononku tu hamu? Pujionku dope hamu? Anggo taringot tusi, nada pujionku hamu.

1 KORINTUS 16:11

Ulang jabat adong sanga ise na marlayas ni roha tusia. Urupi hamu ma ia anso tarbaen ia patoruskon pardalanannia horas lopus lalu tu au, harana sai hupainte-inte do haroronia dohot angka dongan na asing i.

1 KORINTUS 9:22

Muda di tonga-tonga ni angka na so togu dope pos ni rohana, hubaen do au tarsongon halak na so togu dope pos ni rohana anso dapot au halahi di Kristus. Hara ni i, anggo au gabe songon na marragam-ragam ma pangalahongku tu sudena halak, anso sian dalan na marragam i tarbaen au paluahon halahi deba.

2 KORINTUS 10:1

Saonnari, au si Paulus, hupaingot ma hamu markite-hite lambok ni roha dohot habasaron ni Kristus. Anggo ninna halak na parbiar do au di tonga-tongamunu taran marsuo bohi tu bohi, tapi puluk do au muda dao sian hamu. Antong, hara ni halambohon bope hadengganan ni roha ni Kristus,

2 KORINTUS 10:10

Dokkonon ni halahi ma, “Pir jana marsahala do angka surat ni si Paulus i, hape muda hatiha di tonga-tonganta, gale-gale do ia idaon jana hatania pe so binoto sanga aha astuanna!”

GALATIA 6:1

Hamu ale angka dongan! Muda tardapot sanga ise mambaen dosa, angkon hamu na sai mangolu mangihutkon Tondi Parbadia i ma paulakkon halahi mangulahi tu dalan na sintong. Tapi angkon mardongan halambohon do hamu patupahon na songon i, jana jamot ma hamu anso ulang jabat hamu hona pandugaan muse.

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.

1 TIMOTEUS 4:12

Ulang ma padiar sahalak pe marlayas ni roha tu ho hara ni na poso i dope ho. Tapi angkon gabe tiruan na denggan ma ho di angka halak na porsaya, di bagasan pangakataionmu, pangalahomu, holong ni rohamu, haporsayaanmu dohot di haiason ni ngolumu.

IBRANI 1:14

Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

IBRANI 9:24

Harana anggo Bilik Na Sun Badia na nipature ni jolma i hum na manggambarkon Inganan Na Badia na satutuna i do i. Banua Ginjang i do na nimasuhan ni Kristus; disi ma Ia saonnari mangadop tu Debata laho manyarihon hita.

HALUMBAAN 8:2

Dung i huida ma dilehen pitu sarune tu surusuruan na pitu na jongjong i di jolo ni Debata.