MATEUS 17:9 - BIBEL JAMITA NA DENGGAN

⁹ Hatiha manuat halahi sian dolok i, dipaingot Jesus ma halahi, “Salolot so dipangot sian na mate dope Anak Ni Jolma i, ulang paboa-boa hamu sanga na tu ise pe sanga aha na niidamunu nangkin.”

MATEUS 17:9 ပူးပေါင်းရင်းမြစ်များ

MATEUS 12:16

Tapi dilarang Ia ma, anso ulang dipaboa-boa halahi sanga na tu ise taringot tu sude na nibaenNia i.

MATEUS 17:12

Tapi Hudok ma di hamu, madung ro nian si Elia, tapi nada ditanda halak ia. Gabe roha-roha ni halak ma mambaen sanga aha tusia. Laing songon i muse ma Anak Ni Jolma i manaon parhancitan sian halahi.”

MATEUS 17:20

Dialusi Jesus ma, “Angke hurang porsaya hamu. Ingot hamu ma! Sugari sagodang ni batu ni sabi pe adong haporsayaanmunu, tardok hamu do tu dolok on, ‘Morot ma ho sian on tu sadu!’ angkon pinda do dolok i. Jana nada adong sanga aha pe na so tarpatupa hamu! [

MATEUS 17:22

Hatiha marlagut sude anak sisean ni Jesus di Galilea didok Jesus ma tu halahi, “Inda pola sadia honok nari, pasahaton ma Anak Ni Jolma i tu kuaso ni hajolmaon.

MATEUS 17:23

Bunuon ni halahi ma Ia, tapi mulak mangolu do Ia di ari patoluhon.” Gabe marsak sajo ma angka siseanNia i.

MATEUS 17:8

Hatiha mangaligi halahi, inda diida halahi be sanga ise, hum Jesus sajo noma.

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

MATEUS 8:4

Dung i didok Jesus ma tusia, “Ingot ma! Ulang caritohon na masa on sanga na tu ise pe. Tapi kehe ma ho manopot malim, patidahon ma dirimu. Jadi lehen ma haulmu hombar tu na nidok ni si Musa, anso diboto halak na dung malum ho!”

MARKUS 8:30

Dung i dipaingot Ia ma halahi, anso ulang dipaboa-boa halahi sanga na tu ise pe taringot tu diriNia.

LUKAS 8:56

Homang sajo ma roha ni natoras ni dakdanak i. Tapi dirarang Jesus ma halahi anso ulang dipaboa-boa na masa i sanga na tu ise pe.

LUKAS 9:36

Jadi, di na tarbege sora i, hum sasada Jesus do tarida. Dipahohom angka anak sisean i ma i, nada dipaboa halahi dompahi tu barang ise pe na niida ni halahi. Dipahohom halahi do taringot tusi.