MATEUS 17:4 - BIBEL JAMITA NA DENGGAN

⁴ Dung i didok si Petrus ma tu Jesus, “Tuhan, tabona i hita dison! Anggo ra do Ho Tuhan, hupajongjong ma dison tolu undung-undung. Sada ma i di Ho, sada di si Musa, sadanari di si Elia.”

MATEUS 17:4 ပူးပေါင်းရင်းမြစ်များ

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 4:6

Miduk do halak na mandok, “O Tuhan, pasupasu ma hami, sai lomo ma rohaMu mida hami.”

JESAYA 33:17

Ligionmu ma raja na sangap i, dohot luat na mabidang mansai dao.

ZAKARIA 9:17

Dengganna i antong jana jeges! Gandum do mambaen magodang angka doli-doli jana anggur mambaen magodang angka bujing-bujing.

MATEUS 17:3

Dung i diida halahi ma si Musa dohot si Elia mangkobari dohot Jesus.

LUKAS 9:33

Dung i di na laho kehe sidua halak i maninggalkon Jesus, didok si Petrus ma tu Jesus, “Gurunami, sonangna i hita dison! Hami baen ma tolu undung-undung; sada di Ho sada di si Musa jana sada nari di si Elia.” (Nada diboto si Petrus sanga aha na nidoknia i.)

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

JOHANNES 7:2

Donok ma hatiha i Pesta Undung-undung Bulung Rata ni halak Jahudi.

PILIPPI 1:23

Angke rap mandasdas do pangalaho na dua i tu au. Lungun sajo do nian rohangku manadingkon portibi on anso rap iba dohot Kristus, angke i do na dumenggan;

1 JOHANNES 3:2

Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.