MATEUS 17:27 - BIBEL JAMITA NA DENGGAN

²⁷ Tapi anso ulang pola gabe batu partuktuhan di halahi, kehe ma ho jolo mangkail tu dano. Buat ma ihan na parjolo dapot i. Dapot ho ma di baba ni ihan i hepeng satuk ni panggarar ni pajak sian hita na dua. Buat ma hepeng i, gararkon ma tu halahi. I ma pajak sian hita tu Bagas Ni Debata.”

MATEUS 17:27 ပူးပေါင်းရင်းမြစ်များ

PAMUNGKAAN 1:28

Dipasupasu Debata ma halahi, didok Ia ma, “Gabe ma hamu maranak marpahompu, lopus sude sisik ni tano on diingani jana dirajai pomparanmu. Hupasahat ma tu hamu mangurus angka ihan, unggas dohot sude binatang riar.

1 RAJA-RAJA 17:4

Minum sian anak ni batang aek i ma ho jana pangan ma angka sipanganon na nitaruhon ni angka unggas sigak na Husuru.”

MASMUR 8:8

angka unggas dohot angka ihan, sude na mangolu na maringanan di lautan.

JUNUS 1:17

Jana di hatiha i diparo Tuhan ma sada ihan na godang mambondut si Junus. Jadi gabe tinggal ma si Junus di bagasan butuha ni ihan i tolu ari tolu borngin honokna.

JUNUS 2:10

Dung i, hara ni parenta ni Tuhan, diutahon ihan i ma si Junus tu darat.

MATEUS 17:26

“Halak na asing ma antong,” ning si Petrus, “Anggo songon i, bebasma rayatna i.

MATEUS 18:6

“Sanga ise na mambaen gabe so porsaya be angka na menek on tu Au, gumonan ma ditambatkon losung batu tu rungkung ni halak sisongon i, anso nibonomkon i tu laut na bagas.

MATEUS 18:8

Muda hara ni tanganmu sanga hara ni patmu mardosa ho, ponggolkon ma i, ambungkon ma tanganmi sanga patmi. Gumonan ma ho mangolu rap dohot tangan sabariba sanga pat sabariba, ulang pado martangan ho dua-dua sanga laing marpat ho dua-dua, hape ho sandiri niambungkon tu api na so ra mintop.

MATEUS 5:29

Muda mardosa ho hara ni matamu siamun i, pulsikkon ma i anso ambungkon! Gumonan do mago deba parkokas ni pamatangmi ulang pado sudena niambungkon tu narako.

MATEUS 5:30

Muda hara ni tangan siamunmi do ho mardosa, gotapkon lalu ambungkon sian i! Gumonan do mago sabariba tanganmi, ulang pado sude pamatangmi masuk tu narako.”

MARKUS 9:42

“Sanga ise na mambaen gabe nada porsaya be tu Au sada sian angka halak na menek on, gumonan ma ditambatkon losung batu tu rungkung ni halak sisongon i anso niambungkon i tu laut.

MARKUS 9:43

Muda hara ni tanganmu do gabe mambaen so tama ho masuk tu hangoluan i, gotapkon ma tanganmi! Gumonan do ho mangolu so martangan sabariba, ulang pado mardua tangan ho masuk tu narako, api na manongtong i. [

LUKAS 17:2

Na dumenggan do nitambatkon losung batu tu rungkungna, anso diambungkon tu bagasan laut. Dumenggan ma songon i ulang pado dibaen ia gabe mardosa sahalak sian angka jolma na menek on.

JOHANNES 6:61

Haru pe so jolo adong halak na paboahonsa, madung diboto Jesus do na marungut-ungut angka siseanNia i taringot tusi. Dung i gabe ning Ia ma tu halahi, “Adong he na so sonang rohamunu di pangajaran i?

SURAT NI SI PAULUS TU PARLAGUTAN ROM 14:21

Gumonan ma indangkon sai nipangan juhut sanga niinum anggur sanga aha sajo pe tehe, muda patunda ni i do tartuktuk dongan na asing.

1 KORINTUS 8:13

Hara ni i, muda sipanganon do mambaen batu partuktuhan tu donganku, gumonan indangkon mangan juhut be au. Betak sai bia gabe batu partuktuhan i maradopkon donganku.

1 KORINTUS 8:9

Tapi jamot ma hamu anso ulang jabat gabe batu partuktuhan tu halak na asing hara ni na tola hamu mambaen sanga na aha, hara ni na so togu dope pos ni roha ni halahi.

2 KORINTUS 6:3

Nada jungada hami baen batu partuktuhan tu sanga ise pe, anso ulang targora tohonannami i.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

1 TESSALONIKA 5:22

Mandao ma hamu sian sandok hajahatan.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.