MATEUS 17:20 - BIBEL JAMITA NA DENGGAN

²⁰ Dialusi Jesus ma, “Angke hurang porsaya hamu. Ingot hamu ma! Sugari sagodang ni batu ni sabi pe adong haporsayaanmunu, tardok hamu do tu dolok on, ‘Morot ma ho sian on tu sadu!’ angkon pinda do dolok i. Jana nada adong sanga aha pe na so tarpatupa hamu! [

MATEUS 17:20 ပူးပေါင်းရင်းမြစ်များ

MATEUS 13:31

Dicaritohon Jesus ma sada nari umpama tu halak na bahat i, “Anggo Harajaan Ni Banua Ginjang tarsongon batu ni sabi do i. Dibuat halak ma i, disuan ia di ladangnia.

MATEUS 14:29

“Ro ma ho!” ninna Jesus mangalusi. Jadi mijur ma si Petrus sian parau i, mardalan ma ia di ginjang ni aek i mandapotkon Jesus.

MATEUS 17:17

Dialusi Jesus ma, “O hamu angka angkatan na so porsaya jana na lilu, angkon sadia honok Au rap dohot hamu? Angkon sadia honok nari Au sobar paida-ida hamu? Oban ma tuson dakdanak i!”

MATEUS 17:19

Dung i didapotkon angka anak siseanNia i ma Jesus hatiha sada Ia sajo. Disapai halahi ma tuSia, “Biasi nada tarpaorot hami setan i?” ninna halahi.

MATEUS 17:9

Hatiha manuat halahi sian dolok i, dipaingot Jesus ma halahi, “Salolot so dipangot sian na mate dope Anak Ni Jolma i, ulang paboa-boa hamu sanga na tu ise pe sanga aha na niidamunu nangkin.”

MATEUS 21:21

“Satutuna, Hudok ma tu hamu, anggo porsaya do hamu jana inda adong ganggu ni roha, tarbaen hamu do songon na Hubaen i tu bona ni gala-gala i. Inda hum i sajo, salangkan tu dolok an pe tardokkon hamu do, ‘Morot ma ho, ambung ma ho tu laut.’ Tulus do i!

MATEUS 8:26

Ninna Jesus ma tu halahi, “Ale hamu na menek haporsayaan, biasi he mabiar hamu?” Dung i jongjong ma Jesus manyonggak alogo dohot ombak i. Gabe so ma manigor alogo i.

MARKUS 11:22

Dialusi Jesus ma, “Ingot hamu ma! Muda porsaya hamu tu Debata

MARKUS 11:23

tardok hamu do tu dolok an, ‘Morot ma ho, jana ambung ma ho tu laut!’ gabe tulus ma songon i di hamu, asal ma ulang ganggu rohamunu. Dung i pos ma rohamunu angkon tutu situtu tulus na nidokmunu i.

MARKUS 4:31

Anggo Harajaan Ni Debata tarsongon batu ni sabi do i na disaburkon tu tano, i ma boni na ummenek sian sude boni na adong di tano on.

MARKUS 9:23

“Dialusi Jesus ma: Didok ho: Anggo tartolong Ho?” “Nada adong na so tarbaen di halak na porsaya!”

LUKAS 1:37

Angke nada adong na so tarpatupa anggo di Debata.”

LUKAS 17:6

Dialusi Tuhan i ma, “Muda adong haporsayaanmunu sagodang ni batu ni sabi, tardok hamu ma tu bona ni gala-gala on, ‘Mumpat ma ho jana di laut ma panyuananmu,’ musti angkon mangoloi hayu i tu parentamunu.”

LUKAS 18:27

Dialusi Jesus ma, “Na so tarbaen di jolma, tarbaen do anggo di Debata.”

JOHANNES 11:40

Didok Jesus ma tu si Marta, “Na he madung Hudok tu ho: Anggo porsaya ho, idaonmu do hasangapan ni Debata!”

1 KORINTUS 12:9

Laing Tondi na sada i muse do mangalehen tu na asing haporsayaan, hape tu na asing dilehen Tondi i do kuaso laho pamalum halak.

1 KORINTUS 13:2

Sugari malo au manyurirangi, jana huboto sude na buni dohot sude parbinotoan, jana adong di au haporsayaan jabat tarpaorot au angka dolok, tapi nada adong di au holong ni roha, songon na soada do au.

IBRANI 3:19

Saonnari madung taboto, na so dilehen di halahi inganan paradianan i, hara ni na so porsaya halahi tu Debata!