MATEUS 17:15 - BIBEL JAMITA NA DENGGAN

¹⁵ Didok ia ma hatania, “Ibo ma jolo rohaMu mida anakku! Solpoton do ia jana marhancit situtu. Muda hatiha di panombona i jotjot madabu ia tu api sanga tu aek.

MATEUS 17:15 ပူးပေါင်းရင်းမြစ်များ

JOB 2:7

Jadi kehe ma Sibolis sian jolo ni Tuhan, jana dipatubu ia ma baro sap sude pamatang ni si Job mamungka sian palampak ni patna i lalu tu ambubunia.

MATEUS 15:22

Jadi ro ma sahalak boru Kanaan sian luat i mandapotkon Jesus. Pio-pio ma ia, “O, Tuhan anak ni si Daud, ibo ma rohaMu mida au! Hona setan borungku. Ma hancit sajo!”

MATEUS 17:16

Madung huoban ia tu angka anak siseanMi, tapi inda tarpamalum halahi ia.”

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

LUKAS 6:18

Marroan ma halahi laho manangihon hata ni Jesus, boti anso dipamalum nyae ni halahi be. Sanga na hona setan pe halahi, laing dipamalum.

JOHANNES 18:2

Diboto si Judas panjehe i do inganan i; dibaen madung jotjot Jesus marlagut disi rap dohot angka siseanNia i.