MATEUS 17:12 - BIBEL JAMITA NA DENGGAN

¹² Tapi Hudok ma di hamu, madung ro nian si Elia, tapi nada ditanda halak ia. Gabe roha-roha ni halak ma mambaen sanga aha tusia. Laing songon i muse ma Anak Ni Jolma i manaon parhancitan sian halahi.”

MATEUS 17:12 ပူးပေါင်းရင်းမြစ်များ

MATEUS 11:2

Dibege si Johannes Pandidi na tarhurung i do taringot tu pambaenan ni Jesus Kristus. Gabe disuruhon ia ma angka anak siseannia laho manyapai Jesus songon on,

MATEUS 16:21

Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

MATEUS 17:11

Dialusi Jesus ma, “Tutu do i! Jumolo do ro si Elia laho pasingkopkon sasudena.

MATEUS 17:13

Ujungna mangarti ma angka anak sisean ni Jesus i, hape taringot tu si Johannes Pandidi do na nidok ni Jesus tu halahi.

MATEUS 17:22

Hatiha marlagut sude anak sisean ni Jesus di Galilea didok Jesus ma tu halahi, “Inda pola sadia honok nari, pasahaton ma Anak Ni Jolma i tu kuaso ni hajolmaon.

MATEUS 17:9

Hatiha manuat halahi sian dolok i, dipaingot Jesus ma halahi, “Salolot so dipangot sian na mate dope Anak Ni Jolma i, ulang paboa-boa hamu sanga na tu ise pe sanga aha na niidamunu nangkin.”

MATEUS 21:32

Haru madung ro si Johannes Pandidi paboahon dalan na tutu tu hamu, hape nada ra hamu manghaporsayai na nidoknia. Hape anggo angka sijagit pajak dohot angka anak boru siparkarosuan, ma pola porsaya disia. Haru pe na dung diida hamu sudena i, hape laing so dipauba hamu dope rohamunu manghaporsayai ia.”

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

LUKAS 7:33

Ro ma si Johannes Pandidi – ia ma na puaso – jana na so minum anggur – hape didok hamu, ‘Na nisonggopan ni Sibolis do ia!’

JOHANNES 1:11

Ro ma Ia tu luatNia sandiri, hape nada dijagit bangsoNia i Ia.

BAENON NI ANGKA RASUL 2:23

Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.

BAENON NI ANGKA RASUL 4:10

antong botoon ni hamu sude ma, dohot sude bangso Israel, bahaso di bagasan goar ni Jesus Kristus, halak Nasaret i do bayo on torkis di adopanmunu. Madung diparsilangkon hamu Jesus i, tapi hape madung dipangolu Debata Ia sian halak na mate.

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.