MATEUS 16:4 - BIBEL JAMITA NA DENGGAN

⁴ “Songon on ma jahatna dohot durakona na giot mangido tanda? Hum sada tanda pe nada patuduhonon tu hamu, asing sian tanda na tu si Junus.” Dung didokkon Jesus songon i, ditinggalkon Ia ma halahi, lalu kehe Ia.

MATEUS 16:4 ပူးပေါင်းရင်းမြစ်များ

PAMUNGKAAN 6:3

Gabe didok Tuhan ma, “Nada Hupatola jolma i mangolu salolot-lolotna; angkon laing mate do halahi. Mamungka sian on, nada salpuan ni halahi be 120 taon.”

JESAYA 57:3

Tapi hamu, padonok hamu ma tuson, ale angka anak ni dadaboru tukang sihir, ale pomparan ni na markarosuan dohot siboru jalang!

HOSEA 4:17

Mardomu do Efraim dohot angka gana-ganaan, padiar ma ia!

HOSEA 9:12

Tapi haru pe adong dakdanak na sorang jana na dipagodang-godang, buatonKu do halahi; sahalak pe nada Hupaloas mangolu. Marjaya ma hamu ale bangso Israel, muda jabat Hutadingkon hamu!”

JUNUS 1:1

Di na sanoli mangkuling ma Tuhan tu si Junus, anak ni si Amitai.

JUNUS 1:17

Jana di hatiha i diparo Tuhan ma sada ihan na godang mambondut si Junus. Jadi gabe tinggal ma si Junus di bagasan butuha ni ihan i tolu ari tolu borngin honokna.

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

MATEUS 16:5

Hatiha taripar angka anak sisean ni Jesus i, lupa do halahi maroban roti.

MARKUS 8:12

Humolos ma Ia, ning Ia ma, “Biasi angkon sai pangidoon ni halak sisaonnari on anso Hubaen tanda hahomangan? Inda! Na so ra do Au mangalehen tanda na songon i di halahi!”

MARKUS 8:38

Angke sanga ise na maila hara ni Au dohot hatangKu di tonga-tonga ni halak na so setia dohot pardosa, maila muse ma Anak Ni Jolma i mida ia muda ro Ia di bagasan hasangapan ni AmangNia rap dohot surusuruanNia na badia i.”

BAENON NI ANGKA RASUL 18:6

Tapi hara ni na sai torus dialo angka jolma i boti sai mangincahi halahi, gabe dipaspaskon si Paulus ma abuan na di pakeannia i adop halahi, gabe songon tanda laho paingotkon hasalaan ni halahi sandiri. Didok ia ma, “Muda gabe mago hamu, salamunu sandiri noma i! Nada ahana be i di au! Olat ni on, tu bangso na so Jahudi noma au kehe.”

BAENON NI ANGKA RASUL 2:40

Songon i ma dipatorang si Petrus tu halahi dohot ragam-ragam pandohan na asing, jana dipaingot ia halahi, ninna ma, “Sai ra ma hamu nipalua sian sundut na jahat on.”