MATEUS 16:28 - BIBEL JAMITA NA DENGGAN

²⁸ Hudok ma tu hamu: Sasintongna sian tonga-tongamunu na adong dison, adong do na so giot mate anggo so jolo diida ia Anak Ni Jolma i ro songon raja di bagasan harajaanNia.”

MATEUS 16:28 ပူးပေါင်းရင်းမြစ်များ

MATEUS 10:23

Muda diparkanciti halahi hamu di sada kota kehe ma hamu tu kota na asing. Hupaboa hian ma di hamu: Inda sidung dope tohapmunu dikarejohon hamu di sude kota na adong di Israel, hape ma ro Anak Ni Jolma i.

MATEUS 16:13

Hum lalu Jesus tu luat na mardonokkon Kaisarea Pilippi. Disapai Ia ma disi angka anak siseanNia i, “Ise dehe didok halak, Anak Ni Jolma i?”

MATEUS 24:3

Dung i kehe ma Jesus juguk di Dolok Zetun. Jadi hatiha na juguk i Ia, marroan ma angka anak siseanNia laho mangkatai dohot Ia sajo. “Paboa ma jolo tu hami sanga andigan do tarjadi sudena i,” ninna halahi manyapai Ia. “Dung i muse, aha ma tandana paboa na giot dapot ma haroroMu dohot hasidungan ni portibi on?”

MATEUS 24:34

Ingot hamu ma! Dompak so mate dope halak na mangolu sisaonnari on, tulus ma sudena i.

MATEUS 24:42

Hara ni i, jonggor ma hamu, angke nada diboto hamu sanga andigan haroro ni Tuhanmunu.

MATEUS 26:64

Dialusi Jesus ma, “Tutu. Tapi ingot hamu ma: Mamungka saonnari idaonmunu ma Anak Ni Jolma i juguk di siamun ni Na Markuaso i. Dung i ro ma Ia di ginjang ombun na di langit an!”

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

MARKUS 13:26

Jadi tarida ma disi Anak Ni Jolma i ro di bagasan ombun mardongan kuaso dohot hasangapan.

MARKUS 8:38

Angke sanga ise na maila hara ni Au dohot hatangKu di tonga-tonga ni halak na so setia dohot pardosa, maila muse ma Anak Ni Jolma i mida ia muda ro Ia di bagasan hasangapan ni AmangNia rap dohot surusuruanNia na badia i.”

MARKUS 9:1

“Satutuna do na Hudok on tu hamu,” ninna Jesus, “Adong do sanga na piga halak na dison on na so jabat mate, anggo so jolo diida halahi Harajaan Ni Debata di bagasan kuaso!”

LUKAS 18:8

Hudok ma di hamu! Manigor belaonNia do parkaro ni halahi! Tapi laing adong dope he haporsayaan di portibi on saulahon muda ro Anak Ni Jolma i.”

LUKAS 2:26

Madung dijagit ia baga-baga sian Tondi Parbadia, na paboahon tusia bahaso na so mate dope ia anggo so jolo diida ia Kristus na nimiahan ni Tuhan.

LUKAS 9:27

Na tutu do na Hudok on tu hamu: Adong do sian angka na jongjong dison na so mate anggo so jolo marnida Harajaan Ni Debata.”

JOHANNES 21:22

Ninna Jesus ma mangalusi, “Muda jop rohangKu laing mangolu ia lopus ro Au mangulahi, ahana ma i di ho. Salaku ihutkon ma Au!” ninna Jesus.

JOHANNES 8:51

Tutu do na Hudok tu hamu; sanga ise na mangoloi na Hudok, nada mate be Ia salolot-lolotna.”

JOHANNES 8:52

Dung i didok angka halak Jahudi i ma tu Jesus, “Saonnari pe anso tangkas sajo di hami, na nisonggopan ni setan do Ho! Si Abraham sandiri madung mate, songon i muse angka panurirang i. Hape didok Ho dope, ‘Sanga ise na mangoloi hatangKu, nada mate halahi salolot-lolotna.’

BAENON NI ANGKA RASUL 1:11

Ninna ma, “Ale hamu halak Galilea, biasi jongjong sajo hamu disi mangaligi tu langit i? Anggo Jesus na niidamunu i kehe manaek tu banua ginjang di adopanmunu, mulak do Ia mangulahi laing songon na niidamunu sinangkin.”

1 KORINTUS 15:23

Tapi marguru tu aturanna be do nipangolu halahi: Na parjolo Kristus; dung i angka na dung nampuna ni Kristus di hatiha haroroNia.

1 TESSALONIKA 1:10

Laing di hatahon halahi do sanga na bia ngolngolna pangkilalaanmunu painte-intehon haroro ni Anak Ni Debata sian banua ginjang; i ma Jesus na dung dipangolu Debata sian hamatean i. Laing Jesus i do na paluahon hita sian rimas ni Debata na giot ro i.

IBRANI 2:9

Tapi anggo Jesus madung taida mangarajai! Dibaen do Ia santongkin tumoruk saotik sian surusuruan anso tarbaen Ia mate laho manghopkop sude jolma hara ni denggan ni roha ni Debata. Taida do saonnari dilehen diSia juguhan na marmulia jana na sangap hara ni na dung manaon parkancitan Ia lopus mate.

JAKOBUS 5:7

Antong sobar ma hamu angka dongan lopus ro Tuhanta i. Ligi hamu ma sobar ni angka partani i paintehon lopus dilehen tanonia i suha na mararga disia. Sobar do ia paintehon udan di musim gugur dohot udan di musim bunga.

2 PETRUS 1:16

Di na hami patorang sanga songon dia hasangapan ni Tuhanta Jesus Kristus di haroroNia tu hamu, nada sian turi-turian na dibaen ni jolma hami baen hatorangan i. Na dung hami ida do dohot matanami sandiri hasangapan ni Kristus i.

1 JOHANNES 2:28

Jadi hamu angka dakdanakku, tongtong ma hamu maringanan di bagasan Kristus, anso pos situtu rohanta paboa na puluk hita mangadop tuSia so pola maila be hita saulahon di haroroNa.