MATEUS 16:21 - BIBEL JAMITA NA DENGGAN

²¹ Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

MATEUS 16:21 ပူးပေါင်းရင်းမြစ်များ

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

MATEUS 16:22

Dung i ditogu si Petrus ma Jesus tu duru laho manggorahon Ia. Didok si Petrus, “Sai dipadao Debata ma na songon i sian Ho, Tuhan! Sai ulang ma tulus pangalaho na songon i tu Ho!”

MATEUS 16:28

Hudok ma tu hamu: Sasintongna sian tonga-tongamunu na adong dison, adong do na so giot mate anggo so jolo diida ia Anak Ni Jolma i ro songon raja di bagasan harajaanNia.”

MATEUS 17:12

Tapi Hudok ma di hamu, madung ro nian si Elia, tapi nada ditanda halak ia. Gabe roha-roha ni halak ma mambaen sanga aha tusia. Laing songon i muse ma Anak Ni Jolma i manaon parhancitan sian halahi.”

MATEUS 17:9

Hatiha manuat halahi sian dolok i, dipaingot Jesus ma halahi, “Salolot so dipangot sian na mate dope Anak Ni Jolma i, ulang paboa-boa hamu sanga na tu ise pe sanga aha na niidamunu nangkin.”

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

MATEUS 26:2

“Diboto hamu do, dua ari nari dapot ma Pesta Paskah. Pasahaton ma Anak Ni Jolma i anso diparsilangkon!”

MATEUS 26:47

Mangkatai dope Jesus, ro ma si Judas, i ma sahalak sian anak siseanNia na dua bolas i. Ro muse ma rap dohot ia bahat halak maroban podang dohot potuk-potuk. I ma angka na nisuru ni angka kapala ni malim dohot angka hatobangon ni halak Jahudi.

MATEUS 27:12

Tapi anggo di na pajojor pangaduan i angka Sintua Ni Malim dohot angka hatobangon ni halak Jahudi i taringot tu Jesus, sangkababa hata pe nada adong dialusi Jesus.

MATEUS 27:63

Didok halahi ma, “On dope anso hami ingot tuan, taran mangolu pargabus i unjung do didok Ia songon on, ‘Dung tolu ari, mulak mangolu ma Au mangulahi.’

MATEUS 28:6

Nada dison be Ia. Madung ngot Ia songon na nidokNia hian tu hamu. Ligi hamu ma inganan hapayahanNa.

MARKUS 8:31

Dung i dipungka Jesus ma mangajarkon tu angka anak siseanNia paboahon angkon bahat parkancitan taonon ni Anak Ni Jolma i. Dialo angka pamimpin dohot angka sintua ni malim dohot angka Siboto Surat i ma Ia. Bunuon ni halahi ma Ia, tapi dung tolu ari, mulak mangolu ma Ia mangulahi.

MARKUS 9:12

Dialusi Jesus ma, “Tutu do i nian, angkon jolo ro do si Elia laho paradehon nasa na porlu. Tapi tarbia ma pangalahona taringot tu Anak Ni Jolma i? Biasi tarsurat di Buku Na Badia i angkon bahat taononNia parkancitan jana dipalayas halak Ia?

LUKAS 17:25

Tapi anggo mula-mulana angkon bahat do sitaononNia jana nada dijagit halak sisaonnari on Ia.

LUKAS 24:46

Dung i didok Jesus ma tu halahi, “Na dung tarsurat hian do di Buku Na Badia i, angkon manaon parkancitan do Kristus i, jana mulak mangolu Ia sian hamatean di ari patoluhon.

LUKAS 9:31

Di bagasan hamuliaonna do halahi na dua mangkatai, i ma taringot tu parkeheNa, na giot patulusonNia di Jerusalem.