MATEUS 16:20 - BIBEL JAMITA NA DENGGAN

²⁰ Dung i ditonai Ia ma angka anak siseanNia i anso ulang dipaboa-boa halahi sanga na tu ise pe, paboa na Ia do Kristus i.

MATEUS 16:20 ပူးပေါင်းရင်းမြစ်များ

MATEUS 1:16

si Josep halaklahi ni si Maria, na manubuhon Jesus, na nigoaran muse Kristus.

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

MATEUS 17:9

Hatiha manuat halahi sian dolok i, dipaingot Jesus ma halahi, “Salolot so dipangot sian na mate dope Anak Ni Jolma i, ulang paboa-boa hamu sanga na tu ise pe sanga aha na niidamunu nangkin.”

MATEUS 8:4

Dung i didok Jesus ma tusia, “Ingot ma! Ulang caritohon na masa on sanga na tu ise pe. Tapi kehe ma ho manopot malim, patidahon ma dirimu. Jadi lehen ma haulmu hombar tu na nidok ni si Musa, anso diboto halak na dung malum ho!”

MARKUS 8:30

Dung i dipaingot Ia ma halahi, anso ulang dipaboa-boa halahi sanga na tu ise pe taringot tu diriNia.

MARKUS 9:9

Dung i manuat ma halahi sian dolok i. Dompak na manuat i halahi didok Jesus ma songon on tu halahi, “Anggo so mulak mangolu dope Anak Ni Jolma i sian hamatean, ulang paboa hamu sanga na tu ise pe sude na niidamunu nangkin.”

LUKAS 2:11

Madung sorang sadari on di Kota Ni si Daud, Sipalua i, i ma Kristus Tuhan i.

LUKAS 9:21

Dung i didok Jesus ma tu angka siseanNia i, “Ulang paboa-boa hamu sanga aha taringot tusi sanga na tu ise pe.

LUKAS 9:36

Jadi, di na tarbege sora i, hum sasada Jesus do tarida. Dipahohom angka anak sisean i ma i, nada dipaboa halahi dompahi tu barang ise pe na niida ni halahi. Dipahohom halahi do taringot tusi.

JOHANNES 1:41

Manigor diompoti si Andreas ma manjalahi si Simon angkangna i jana didok ia ma tu si Simon, “Madung marsuo hami dohot Mesias i!” (Mesias astuanna Kristus.)

JOHANNES 1:45

Dung i marsuo muse ma si Pilipus dohot si Natanael jana didok ia ma, “Madung marsuo hami dohot Ia na nidok ni si Musa di bagasan Buku Tona i, dohot na nidok ni angka panurirang, i ma Jesus anak ni si Josep halak Nasaret i.”

JOHANNES 11:27

Dialusi si Marta ma, “Olo Tuhan, porsaya do au Kristus i do Ho, Anak Ni Debata na ro tu portibi on.”

JOHANNES 20:31

Umbaen na nisurat pe sudena na tarsurat di bagasan buku on, anso porsaya do hamu bahaso Jesus do Kristus i, i ma Anak Ni Debata; jana anso dapotan hangoluan hamu markite-hite haporsayaan di goarNia.

BAENON NI ANGKA RASUL 2:36

“Hara ni i ma angkon gabe sude halak Israel tangkas umboto bahaso Jesus na niparsilangkonmunu i, laing Jesus i muse do na nibaen ni Debata gabe Tuhan dohot Kristus!”

1 JOHANNES 2:22

Anggo pargabus i, i ma halak na mandok, na so tutu do Jesus i Kristus na nijanjihon ni Debata i. Musu ni Kristus do halahi: nada dioku ia Ama i sanga pe Anak i.

1 JOHANNES 5:1

Barang ise na porsaya bahaso Jesus do Kristus i, i do na sorang sian Debata, bope barang ise na mangkaholongi Ia na manyorangkon, dihaholongi ia muse do na sorang sian Ia.