MATEUS 16:19 - BIBEL JAMITA NA DENGGAN

¹⁹ LehenonKu ma di ho kunci ni Harajaan Ni Banua Ginjang. Sanga aha na nilarangmu di ginjang tano on laing larangon ma i lopus tu banua ginjang. Sanga aha na nidokmu tigor di ginjang tano on, laing na tigor ma i lalu tu banua ginjang.”

MATEUS 16:19 ပူးပေါင်းရင်းမြစ်များ

JESAYA 22:22

Gok disia ma sude kuaso di toru ni raja na sian pomparan ni si Daud. Tioponnia ma kunci ni harajaan i. Muda dibuka ia, nada adong be na tarbaen manutup, jana muda ditutup ia nada adong na tarbaen mambukasa.

MATEUS 18:18

“Ingot hamu on! Sanga aha na nitambatmunu di tano on, laing na tambat muse ma i di banua ginjang. Dung i sanga aha na nipaluamunu di tano on, laing na nipalua muse ma i di banua ginjang.”

JOHANNES 20:23

Muda disesa hamu dosa ni sanga ise, laing tarsesa ma dosana i; muda nada disesa hamu dosa ni halak, laing na so tarsesa ma dosana i.”

BAENON NI ANGKA RASUL 15:7

Lolot do halahi na martukar pikiran i. Ujungna jongjong ma si Petrus mandok hata, “Hamu ale angka dongan! Diboto hamu do di hatiha na salpu, dipili Debata do au sian tonga-tongamunu laho manjamitahon Jamita Na Denggan i tu angka halak na asing na so Jahudi, anso dohot halahi umbegesa dohot mangkaporsayai.

2 KORINTUS 2:10

Muda diampuni hamu halak na marsala tu hamu, au pe huampuni ma halakna i. Harana, sanga ise na huampuni – muda adong ma siampunan – di adopan ni Kristus do i huampuni laho padenggankon hamu.

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

HALUMBAAN 11:6

Markuaso do halahi manutup langit anso ulang ro udan salolot manyurirangi halahi. Laing markuaso do halahi di angka mual ni aek laho mambaen aekna i gabe mudar. Jana laing markuaso muse do halahi mangalibas tano on markite-hite angka ragam ni bala, sanga na andigan giot ni halahi.

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.

HALUMBAAN 9:1

Dung i diombus surusuruan na palimahon i ma sarunenia, jana huida ma sada bintang madabu sian langit tu portibi on. Dilehen do di bintang i kunci ni rura hamatean.