MATEUS 16:1 - BIBEL JAMITA NA DENGGAN

¹ Ro ma halak Parise dohot halak Saduse mandapotkon Jesus. Na giot manjalak-jalahi hasalaan ni Jesus do roha ni halahi. Dipangido halahi ma anso dipataridahon Ia sada tanda sian banua ginjang.

MATEUS 16:1 ပူးပေါင်းရင်းမြစ်များ

PODA 26:5

Sapa-sapa na oto angkon nialusan muse dohot alus na oto, anso diboto na marsapa i bahaso na so malo ia songon na niambangnia i.

MATEUS 12:14

Ditinggalkon halak Parise i ma inganan i, martahi ma halahi giot mamunu Jesus.

MATEUS 15:1

Di sada hatiha adong ma ro angka halak Parise dohot angka Siboto Surat sian Jerusalem mandapotkon Jesus. Disapai halahi ma Jesus songon on,

MATEUS 16:6

Didok Jesus ma tu halahi, “Manat-manat jana jamot ma hamu adop ragi ni angka Parise dohot Saduse i.”

MATEUS 19:3

Jadi ro ma da halak Parise laho manjalak-jalahi hasalaanNia. Disapai halak Parise i ma Ia, “Diisinkon Tona ni ugamonta dehe manyirangkon boru roha-rohaniba sajo?”

MATEUS 22:15

Dung i kehe ma halak Parise i anso rap martahi manjalahi dalan sanga na bia baenon anso tardapot halahi Jesus di hasalaanna muda disapai halahi.

MATEUS 22:18

Diboto Jesus do na jahat roha ni halahi, jadi didok Ia ma, “Pangalancap do hamu! Biasi ma jalak-jalahanmunu hasalaanKu?

MATEUS 22:23

Laing di na sadari i, ro ma halak Saduse mandapotkon Jesus. Halahi ma na mandok, na so mulak mangolu halak na dung mate, jana disapai halahi ma Ia,

MATEUS 23:2

“Juguk do angka Siboto Surat dohot halak Parise, di juguhan ni si Musa.

MATEUS 27:62

Ancogotna i, na mangihut tu ari parkobasan i kehe ma angka Sintua Ni Malim dohot angka Parise mangadop tu si Latus.

MATEUS 5:20

Jadi Hudok ma tu hamu: Muda nada sumurung hatigoranmu sian hatigoran ni angka Parise dohot Siboto Surat, nada tarbaen hamu masuk tu Harajaan Ni Banua Ginjang.”

MATEUS 9:11

Diida halak Parise ma halahi na mangan i. Jadi disapai halahi ma anak siseanNia i, ninna halahi ma, “Biasi ma he mangan Gurumunu i rap dohot panjagit pajak dohot angka pardosa?”

MARKUS 10:2

Jadi ro muse ma halak Parise tusi laho manjalahi hasalaan ni Jesus. Dibaen halahi ma sapa-sapa ni halahi on, “Dokkon ma jolo di hami, tola do halak manyirangkon dadaboruna?”

MARKUS 12:15

Diboto Jesus do na mangakali halahi. Dialusi Ia ma, “Biasi pola diuji hamu Au? Patidahon hamu ma jolo tu Au hepeng perak i sada.”

MARKUS 12:18

Adong ma sanga na piga halak sian halak Saduse ro mandapotkon Jesus. (Mangihutkon pandapot ni halak on, anggo jolma nada be mulak mangolu muda dung mate.)

LUKAS 10:25

Dung i jongjong ma sahalak Siboto Surat laho mangunjuni Jesus, ning ia ma manyapai, “Guru, aha ma he sibaenonku anso dapot au ngolu na manongtong?”

LUKAS 11:16

Adong muse do angka jolma i na giot manguji Jesus. Dipangido halahi ma tu Jesus anso dibaen Ia jolo hahomangan tanda na sian banua ginjang.

LUKAS 20:23

Hape diboto Jesus do tipu akal ni halahi gabe didok Ia ma,

LUKAS 20:27

Jadi ro ma sian golongan Saduse tu Jesus. (Nada porsaya halak Saduse on na mulak mangolu muse halak na dung mate.) Disapai halahi ma tu Jesus,

JOHANNES 8:6

Disapai halahi pe songon i na giot padapotkon hasalaan ni Jesus do halahi. Tapi dipaunduk Jesus do jana disurat Ia tano i dohot jari-jariNia.

BAENON NI ANGKA RASUL 4:1

Taran mangkobari dope si Petrus dohot si Johannes tu halak na bahat i, ompot ma ro angka malim dohot kapala ni panjago ni Bagas Ni Debata dohot angka halak Saduse mandapotkon si Petrus dohot si Johannes.

BAENON NI ANGKA RASUL 5:17

Ujungna ro ma Malim Godang i dohot sudena dongannia, i ma golongan ni angka Saduse, mangamuk ma halahi hara ni na mangiburu.

1 KORINTUS 1:22

Dipangido halak Jahudi do hahomangan gabe songon tanda, jana halak Junani manjalahisa di parbinotoan ni portibi on.