MATEUS 15:9 - BIBEL JAMITA NA DENGGAN

⁹ Inda adong gunana disomba halahi Au, harana angka aturan ni jolma do diajarhon halahi!’ ”

MATEUS 15:9 ပူးပေါင်းရင်းမြစ်များ

MASMUR 39:6

nada lobi sian halinu. Nada adong arti ni sude halojaonna. Dipalagut ia arta, hape so dibotosa sanga ise na giot mamakesa.

MASMUR 73:13

Nada adong hape gunana hujago rohangku tongtong pita, nada adong gunana mandao iba sian dosa.

HARURUAR 20:7

Ulang dokkon goar ni Tuhan Debatamu, di na so dalanna, dibaen uhumon ni Tuhan do halak na mandok goarNia di na so dalanna.

JESAYA 29:13

Didok Tuhan, “Hum hata-hata sajo do angka jolma i manyomba Au, hape anggo roha ni halahi dao do sian Au. Hum paraturan ni jolma na niapil sajo do anggo ibadat ni halahi.

HAMALIMON 26:16

uhumonKu ma hamu. ParoonKu ma bala tu hamu, nyae dohot arun na so haubatan, gabe mapitung ma hamu jana marhancit ngolumunu. Saburonmunu ma same, tapi nada daionmunu suhana, angke angka musumunu giot ro patunduk hamu jana manyabi na nisuanmunu.

HAMALIMON 26:20

Sude halojaonmu nada adong gunana, angke tanomunu nada marsuha, jana suan-suananmu nada marbatu.

MALEAKI 3:14

Didok hamu, “Nada adong gunana marsomba tu Debata. Aha ma he gunana taparate-atehon aha na angkon sikarejohonon maradopkon Ia jana mardalan mamake pakean paboa na marsak di adopan ni Tuhan Na Markuaso?

MATEUS 15:10

Dung i dipio Jesus ma halahi jana didok Ia ma tu halahi. Didok Ia ma tu halahi, “Tangihon hamu ma jolo! Tangkas parrohahon hamu!

MARKUS 7:7

Parcuma do halahi marsomba tu Au, harana diajarkon halahi do aturan ni jolma songon aturan na sian Au!’

1 KORINTUS 15:2

Muda togu do hamu marojahan tu na hujamitahon i, paluaon ni Jamita Na Denggan i ma hamu; asing ma rupani anggo na sayang boti sajo hamu di na porsaya i.

PANGARATAION 12:32

Sai patulus hamu ma sandok na dung huparentahon tu hamu; ulang tambai sanga urahi hamu saotik pe.

1 TIMOTEUS 1:4

Paingot ma halahi, anso ulang sai kehe be roha ni halahi tu angka turi-turian bope angka barita ni asal mula na so marnasidung. Hum parohon partangkangan sajo do i jana nada mambaen maju sangkap ni Debata na bisa taboto hum sian haporsayaan sajo.

TITUS 1:14

jana anso ulang marguru tu angka turiturian ni halak Jahudi dohot tu angka aturan na nibaen ni halak na marbalik sian hasintongan i.

IBRANI 13:9

Ulang ma padiar-diar hamu angka pangajaran na marragam-rupa i mangaliluhon hamu. Angkon denggan ni roha ni Debata do na patogu rohanta, i do na denggan; ulang ma angka paraturan ni sipanganon. Angke angka halak najolo na mangihutkon paraturan i nada adong pola gunana dapot halahi.

JAKOBUS 2:20

Ale jolma na oto, saonnari ra dehe ho mamparkatutui bahaso na mate do haporsayaan na so mardongan pambaenan?

HALUMBAAN 22:18

Ganop na umbege angka hata sian halumbaan na di bagasan buku on, au si Johannes hupaingotkon songon on: Sanga ise na manambai sanga aha tu angka hata na sian halumbaan on, tambaan ni Debata ma uhuman tu halakna i dohot angka bala na nigambarkon di bagasan buku on.

1 SAMUEL 25:21

Marpikir do si Daud di hatiha i, “Parcuma do antong au manjago sinadongan ni bayo i di halongonan i! Saotik pe so adong mago sian sinadongannia; hape saonnari dibaloskon ia ma na denggan na hubaen i dohot hajahatan!