MATEUS 15:8 - BIBEL JAMITA NA DENGGAN

⁸ ‘Dipasangap bangso on do Au hum di pamangan sajo, hape anggo roha ni halahi dao do sian Au, songon i ma pandok ni Debata.

MATEUS 15:8 ပူးပေါင်းရင်းမြစ်များ

PODA 23:26

Denggan-denggan ma parrohahon jana tiru ma ngolungku, ale anakku!

JESAYA 29:13

Didok Tuhan, “Hum hata-hata sajo do angka jolma i manyomba Au, hape anggo roha ni halahi dao do sian Au. Hum paraturan ni jolma na niapil sajo do anggo ibadat ni halahi.

JEREMIA 12:2

Songon suan-suanan, disuan Ho halahi; marurat ma i, martumbur jana marbatu. Matua sai mandok hata na denggan-denggan halahi taringot tu Ho, hape anggo di bagasan roha ni halahi satutuna nada holong roha ni halahi mida Ho.

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

MATEUS 15:7

O hamu angka pangalancap! Tutu do na nidok ni si Jesaya hian taringot tu hamu, di na nidoknia,

MARKUS 7:6

Dialusi Jesus ma, “Tutu do na nidok ni si Jesaya hian di bukunia i taringot tu halak sipangalancap songon hamu on. Nada he ma didok ia do songon on: ‘Songon on didok Debata, Hum di pamanganna do angka jolma on pasangap Au, hape anggo roha ni halahi dao do sian Au.

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

BAENON NI ANGKA RASUL 8:21

Nada adong tohapmu di bagasan karejonami on, angke na so ias do rohamu maradopkon Debata.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

1 PETRUS 3:10

Di Buku Na Badia i tarsurat do songon on, “Sanga ise na giot maruli hangoluan jana na giot mandai angka ari na denggan, angkon jagohononna do dilana anso ulang dohot mangkobari angka na jat jana ulang mandok hata gabus bibirna.