MATEUS 15:4 - BIBEL JAMITA NA DENGGAN

⁴ Harana didok Debata do, ‘Pantun ma ho tu amangmu dohot tu inangmu.’ ‘Sanga ise na mandok hata na so ture tu amangna sanga tu inangna, angkon mate do i niuhuman.’ ”

MATEUS 15:4 ပူးပေါင်းရင်းမြစ်များ

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

HARURUAR 21:17

Sanga ise na mamurai amangna sanga inangna angkon mate niuhuman.

PODA 20:20

Muda diburai ho simatobangmu, mago ma ngolumu songon lampu na mintop di borngin na golap.

PODA 23:22

Oloi ma amangmu; angke nada adong ho anggo so hara ni ia. Muda dung matobang inangmu, patuduhon ma paboa na niargahonmu ia.

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

HAMALIMON 20:9

Dilehen Tuhan dope deba nari angka aturan na mangihut muse, “Sanga ise na mamurai amana sanga inana, angkon mate uhumon. Hamamatenia i, i ma hara ni salania sandiri.

MATEUS 15:3

Dialusi Jesus ma, “Jadi muda hamu, biasi dilanggar hamu parenta ni Debata, hum hara ni na tunduk hamu mangoloi adat hasomalan ni ompungmunu?

MATEUS 15:5

Tapi didok hamu, “Muda didok sada halak tu simatobangna: ‘Sanga aha na aturan patut baenonku laho paturehon ho, madung huhaulkon i tu Debata,’

MATEUS 19:19

Pasangap ma amangmu dohot inangmu. Dung i haholongi ma donganmu jolma songon pangkaholongimu di dirimu sandiri.”

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

SURAT NI SI PAULUS TU PARLAGUTAN ROM 3:31

Muda songon i, na mangagohon Tona i do lakna hami markite-hite haporsayaan i? Dao ma i! Tapi hami pajongjong do Tona i.

EPESUS 6:1

Hamu angka dakdanak! Dibaen siihutkon Kristus do hamu, oloi hamu ma simatobangmunu, angke songon i do na patut baenonmunu.

PANGARATAION 27:16

‘Bura ni Debata ma di halak na palayas amangna dohot inangna.’ Dung i sude ma bangso i mandok: ‘I ma tutu!’

PANGARATAION 5:16

Pasangap ma amangmu dohot inangmu; songon na diparentahon ni Tuhan Debatamu, anso sonang jana ginjang umurmunu di tano na nilehen ni Tuhan Debatamu di ho.