MATEUS 15:32 - BIBEL JAMITA NA DENGGAN

³² Dung i dipiohon Jesus ma angka anak siseanNia i, didok Ia ma tu halahi, “Ibo do rohangKu mida halak na bahat on. Tolu ari ma halahi dison rap dohot Au. Hape so adong be sanga na aha panganon ni halahi. Nada tarpadiar Au halahi mulak anggo so jolo mangan. Gale-gale halahi naron di dalan i hara ni na tangkuraparon.”

MATEUS 15:32 ပူးပေါင်းရင်းမြစ်များ

2 RAJA-RAJA 4:42

Dung salpu i, ro ma sahalak sian Baal-Salisa. Diboan ia ma tu si Elisa dua pulu roti na dipature sian gandum patumona ni na nikarejohon, dohot saotik gandum na baru disabi di bagasan hadangan. Dung i didok si Elisa ma, “Lehen ma i tu halak na bahat on, anso mangan halahi.”

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

MATEUS 14:13

Jadi dung dibege Jesus barita ni si Johannes, kehe ma sasada Ia marparau. Dipatorus Ia ma tu sada inganan na lungun. Tapi diboto halak do sanga na tudia Ia kehe. Jadi marroan ma halahi sian kota ni halahi be mandapoti Jesus. Mardalan pat noma halahi sude.

MATEUS 15:33

Gabe disapai anak siseanNia i ma tuSia, “Di dia ma dapot hita sipanganon di halongonan on di halak na songon on bahatna?”

MATEUS 20:34

Ibo ma roha ni Jesus mida halahi, gabe dijama Ia ma mata ni halahi i. Manigor marnida ma halahi. Halahi pe antong dohot ma mangihutkon Jesus.

MATEUS 27:63

Didok halahi ma, “On dope anso hami ingot tuan, taran mangolu pargabus i unjung do didok Ia songon on, ‘Dung tolu ari, mulak mangolu ma Au mangulahi.’

MATEUS 9:36

Di na niida ni Jesus halak na bahat i, ibo ma rohaNia marnida halahi, angke lebak boti gale do halahi idaon songon biri-biri na so marparmahan.

MARKUS 9:22

“Ma jotjot dicubo setan i laho mamatehon ia. Sai ditinggangkon setan i ia tu api dohot tu aek. Tapi anggo tartolong Ho do, laing ibo ma jolo rohaMu mida hami. Urupi ma jolo hami!”

LUKAS 7:13

Dung diida Jesus anak boru i, gabe ibo ma rohaNia midasa ning Ia ma, “Ulang be sai tangis ho inang!”

BAENON NI ANGKA RASUL 27:33

Jadi painte so torang ari disosohon si Paulus ma anso mangan jolo halahi sude. Didok si Paulus ma, “Ma opat bolas ari honokna marsitutu be hamu na painte-intehon sajo, nada mangan bagi aha.

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!