MATEUS 15:31 - BIBEL JAMITA NA DENGGAN

³¹ Homang ma roha ni halak na bahat na disi i, di na niida ni halahi gabe malo mangakatai na ngungu, malum na timpang, gabe mardalan na onyangon, tarbaen marnida na mapitung. Dipuji halahi ma Debata ni halak Israel.

MATEUS 15:31 ပူးပေါင်းရင်းမြစ်များ

PAMUNGKAAN 32:28

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

PAMUNGKAAN 33:20

Dung i dipajongjong ia ma langgatan disi jana dibaen ia ma goarna, “Debata, Debata ni si Israel”.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 50:23

Sanga ise na mandok tarimakasi baen haulna, i do na pasangapkon Au. Tu halak na tigor ngoluna, patuduhononKu ma haluaan na sian Au.

HARURUAR 24:10

disi ma diida halahi Debata ni halak Israel i. Sidegean ni patNa i tarsongon lante na sian batu nilam, rata langit idaon.

MATEUS 15:30

Marroan ma bahat halak mandapotkon Ia maroban angka na timpang, na mapitung, na onyangon, na ngungu dohot angka na marnyae na asing. Dipayakkon halahi ma angka na marnyae i di lambung pat ni Jesus. Gabe dipamalum Jesus ma halahi.

MATEUS 18:8

Muda hara ni tanganmu sanga hara ni patmu mardosa ho, ponggolkon ma i, ambungkon ma tanganmi sanga patmi. Gumonan ma ho mangolu rap dohot tangan sabariba sanga pat sabariba, ulang pado martangan ho dua-dua sanga laing marpat ho dua-dua, hape ho sandiri niambungkon tu api na so ra mintop.

MATEUS 21:14

Marroan ma angka na mapitung dohot na onyangon tu jolo ni Jesus di Bagas Ni Debata i. Sude halahi dipamalum Jesus.

MATEUS 8:10

Dung dibege Jesus hata ni tentara na pangkat i, homang ma rohaNia. Gabe didok Ia ma tu halahi na mangihutkon Ia, “Tangihon hamu ma jolo! Nada unjung dope Au marsuo dohot haporsayaan na songon on godangna di tonga-tonga ni halak Israel.

MATEUS 9:32

Dung kehe halahi, ro ma halak maroban sada halak na ngungu na hona setan.

MATEUS 9:33

Hum dipaorot Jesus setan i manigor tarbaen ia ma mangkobari mangulahi. Homang ma roha ni halak na disi i. Angke didok halahi ma, “Na so unjung dope hami ida na songon on di Israel on!”

MATEUS 9:8

Jadi mabiar ma halak na midaan i, gabe dipuji halahi ma Debata hara ni kuaso na songon i godang, na dung dilehen Debata di jolma.

MARKUS 2:12

Di jolo ni halak na bahat i, jongjong ma manigor halak na onyangon i, dioban ia lagenia i kehe ma ia mardalan. Homang-homang ma sude halak na disi i, dipuji halahi ma Debata. Didok halahi ma, “Inda unjung dope hami ida tarjadi na songon on!”

MARKUS 7:37

Sude halak na mambege carito i gabe homang-homang. Ninna halahi ma, “Na hebat ma sude na nibaenNia i! Tarbaen Ia marbinege na maingol, na haldang gabe mangkobari!”

MARKUS 9:43

Muda hara ni tanganmu do gabe mambaen so tama ho masuk tu hangoluan i, gotapkon ma tanganmi! Gumonan do ho mangolu so martangan sabariba, ulang pado mardua tangan ho masuk tu narako, api na manongtong i. [

LUKAS 14:13

Tapi muda mambaen pesta ho, halak na pogos ma da ontang, angka na martihas, angka na pangpang dohot halak na mapitung,

LUKAS 14:21

Jadi mulak ma naposo i paboahon sudena i tu tuannia. Muruk sajo ma tuan i. Didok ia ma tu naposonia i, ‘Antong ompoti ma kehe tu angka dalan dohot tu suhi-suhi ni kota on, oban ma tuson angka halak na pogos, angka na pangpang, angka na mapitung dohot angka na martihas.’

LUKAS 18:43

Jadi manigor marnida ma ia, asa diihutkon ia ma Jesus jana dipuji-puji ia ma Debata. Sude halak na midaan pangalaho i dohot muse ma mamuji-muji Debata.

LUKAS 7:16

Sude ma halak mabiar, dipuji halahi ma Debata. Ninna halahi, “Madung tarida sada panurirang na godang di tonga-tonganta! Madung ro Debata laho paluahon bangsoNia!”

JOHANNES 9:24

Dung i dipiohon halahi ma mangulahi na sorang mapitung i hian, jana didok halahi ma tusia, “Oku ma di jolo ni Debata paboa ma dohot tigor, angke hami boto pardosa do Bayo i.”