MATEUS 15:28 - BIBEL JAMITA NA DENGGAN

²⁸ Gabe didok Jesus ma tusia, “Godangna i haporsayaanmi, da inang! Tulus ma di ho sanga aha na nihalungunkonmi!” Laing di na santongkin i, malum ma manigor borunia i.

MATEUS 15:28 ပူးပေါင်းရင်းမြစ်များ

JOB 13:15

Nada parduli be di bagi aha hara ni dele ni roha! Muda giot bunuon ni Debata iba, rohana ma diSia. Tapi anggo pangalahongku angkon ampinanku di joloNia.

JOB 23:10

Hape anggo Ia laing tangkas do diSia dalan sibolusonku, dohot sude na hulangkahon maradu pambaenanku. Sugari niuji au songon sere, angkon tanda ma tarida di iba ias ni ate-ate.

MASMUR 145:19

Dipasonang Ia do roha ni angka na burju marugamo, ditangihon Ia do pio-pio ni halahi jana dipalua Ia.

ANDUNG 3:32

Haru pe dibaen Ia hita susa, tapi nauli basa do anggo Tuhan, hot do holong ni rohaNia marlobi-lobian.

MATEUS 14:31

Jadi manigor disurduhon Jesus ma tanganNia manangkup si Petrus. Dung i ninna Jesus ma, “Na hurang porsaya do ho, Petrus. Biasi pola ganggu rohamu?”

MATEUS 15:27

“Tutu do nian, Tuhan,” ninna anak boru i mangalusi, “tapi laing dipangan anjing do teba-teba na mardabuan sian meja ni morana i.”

MATEUS 8:10

Dung dibege Jesus hata ni tentara na pangkat i, homang ma rohaNia. Gabe didok Ia ma tu halahi na mangihutkon Ia, “Tangihon hamu ma jolo! Nada unjung dope Au marsuo dohot haporsayaan na songon on godangna di tonga-tonga ni halak Israel.

MATEUS 8:13

Dung i didok Jesus ma tu tentara na pangkat i, “Mulak ma ho, sanga aha na ni haporsayaanmi, tulus ma i.” Santongkin i, manigor malum ma nyae ni naposonia i.

MATEUS 9:22

Tapi manaili ma Jesus tu pudi, diida Ia ma anak boru i. Didok Ia ma, “Pos ma rohamu inang! Madung dipalua haporsayaanmi ho!” Santongkin i manigor malum ma nyae ni anak boru i.

MARKUS 5:34

Gabe didok Jesus ma tu anak boru i, “Ale anakKu, haporsayaanmi do na paluahon ho. Kehe ma ho di bagasan hahorasan, jana malum ma dihilala ho!”

LUKAS 17:5

Didok angka rasul i ma tu Tuhan i, “O Tuhan, patogu ma haporsayaannami.”

LUKAS 7:50

Tapi didok Jesus ma tu dadaboru i, “Haporsayaanmu do na paluahon ho, kehe ma ho di bagasan hahorasan!”

LUKAS 7:9

Homang ma roha ni Jesus umbege i. Ditailihon Ia ma tu halak na bahat i na mangihutkon Ia, ning Ia ma, “Na hebat do bayo on. Salang di halak Israel nada unjung dope marsuo Au tu haporsayaan na songon haporsayaan ni bayo on!”

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.