MATEUS 15:27 - BIBEL JAMITA NA DENGGAN

²⁷ “Tutu do nian, Tuhan,” ninna anak boru i mangalusi, “tapi laing dipangan anjing do teba-teba na mardabuan sian meja ni morana i.”

MATEUS 15:27 ပူးပေါင်းရင်းမြစ်များ

PAMUNGKAAN 32:10

Nada patut au manjagit sude holong ni roha dohot haburjuon na dung nipatuduhonMi tu au di na kehe au manaripari Batang aek Jordan, nada maroban bagi aha au asing sian tungkotku. Saonnari ro au mangulahi rap dohot na dua rombongan on.

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

DANIEL 9:18

Tangihon ma hami ale Debata, tatap ma hami jana parrohahon ma hasusaannami, songon i dohot parhancitan ni kota na nigoaran mangihutkon goarMu. Nada hara ni pambaenannami na denggan umbaen na martangiang hami tu Ho, tapi hara ni na paribo roha do Ho.

MATEUS 15:26

Tapi dialusi Jesus ma, “Dia ma denggan nibuat panganon ni dakdanak gabe niambungkon tu anjing.”

MATEUS 15:28

Gabe didok Jesus ma tusia, “Godangna i haporsayaanmi, da inang! Tulus ma di ho sanga aha na nihalungunkonmi!” Laing di na santongkin i, malum ma manigor borunia i.

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

MATEUS 8:8

“Inda pola ale Tuan,” ninna tentara na pangkat i, “Mabiletu do au manjagit Tuan i di bagasku, hum sahata sajo pe dokkon, manigor malum ma nyae ni naposongki.

MARKUS 7:28

“Tutu do i Tuhan,” ning ina-ina i, “Salang sopa-sopa ni panganan ni dakdanak i pe dipangan angka anjing i do di toru ni meja i!”

LUKAS 16:21

anso tarbaen ia manggohi butuhana sian teba-teba ni panganon na mardabuan sian meja ni na kayo i. Ro muse ma anjing mandilati angka baronia i.

LUKAS 18:13

Tapi anggo sitagi pajak i jongjong ma ia mandao-dao jana inda puluk ia mardongak adop langit. Ditompuhi ia andorania i didok ia ma, ‘O ale Debata, ibo ma rohaMu mida au pardosa on!’ ”

SURAT NI SI PAULUS TU PARLAGUTAN ROM 10:12

Harana nada adong imbarna halak Jahudi bope halak na asing, harana sada do Tuhan ni sasude jolma. Dilehen Ia do pasupasuNa tu halak na mangido tolong tuSia.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

SURAT NI SI PAULUS TU PARLAGUTAN ROM 3:29

Sanga hum Debata ni halak Jahudi do Ia lakna? Nada he Debata ni bangso na asing do muse? Olo, laing Debata ni bangso na asing do Ia.

SURAT NI SI PAULUS TU PARLAGUTAN ROM 3:4

Dao ma i! Angke anggo Debata sai sintong do tongtong, haru pe pargabus sude jolma. Songon na tarsurat i, “Anso tutu Ho tigor di bagasan angka hataMu, jana monang muda diuhumi Ho.”

EPESUS 3:19

na so tarastui sabagas-bagasna anggo marsuhat tu pikiran ni jolma. Sai ditanda hamu ma nian holong ni roha ni Kristus i, anso gok hamu dohot hadirion ni Debata na sanggam i.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;