MATEUS 15:24 - BIBEL JAMITA NA DENGGAN

²⁴ Dialusi Jesus ma, “Hum tu angka biri-biri na lilu sian tonga-tonga ni Israel do Au disuru.”

MATEUS 15:24 ပူးပေါင်းရင်းမြစ်များ

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

JEHESKIEL 34:23

AngkatonKu ma parmahan laho marmahani halahi, i ma naposongKu si Daud, jana parmahanonnia ma halahi.

MATEUS 15:23

Umpe sahata dialusi Jesus. Jadi ning halahi ma, “Paorot ma da anak boru i Guru. Hum na manggaori sajo do ia di pudinta!”

MATEUS 18:11

Harana, laho paluahon halak na lilu do umbaen na ro Anak Ni Jolma i!]

MATEUS 9:36

Di na niida ni Jesus halak na bahat i, ibo ma rohaNia marnida halahi, angke lebak boti gale do halahi idaon songon biri-biri na so marparmahan.

BAENON NI ANGKA RASUL 13:46

Tapi mur barani do si Paulus dohot si Barnabas mandok hata. Didok halahi ma, “Tutu do i angkon jolo paboaon do hata ni Debata tu hamu. Tapi hara ni na so ra hamu manjagitsa disi ma ditontuhon hamu sandiri paboa na so tama hamu manjagit ngolu na so mantak i. Jadi saonnari tadingkononnami ma hamu, kehe ma hami mandapotkon bangso na asing.

SURAT NI SI PAULUS TU PARLAGUTAN ROM 15:8

Tapi on do na hudok, na gabe pangoloi ni halak Jahudi do Kristus, hara ni hasintongan ni Debata, anso dipatogu Ia janji na dung nilehenNia di angka ompunta.