MATEUS 15:16 - BIBEL JAMITA NA DENGGAN

¹⁶ Dialusi Jesus ma, “Laing na so mangarti dope hamu lakna?

MATEUS 15:16 ပူးပေါင်းရင်းမြစ်များ

MATEUS 13:51

“Mangarti do hamu sudena i?” ninna Jesus manyapai. “Madung!” ning halahi mangalusi.

MATEUS 15:10

Dung i dipio Jesus ma halahi jana didok Ia ma tu halahi. Didok Ia ma tu halahi, “Tangihon hamu ma jolo! Tangkas parrohahon hamu!

MATEUS 15:15

Didok si Petrus ma, “Patorang ma jolo tu hami astuan ni umpama i, Guru!”

MATEUS 15:17

Inda he diboto hamu? Sude na masuk tu pamangan ni sada-sada halak, tu butuha do kehe ni i. Dung i ruar ma i mangulahi.

MATEUS 16:11

Biasi jabat songon i nada mangarti hamu, na so taringot tu roti do na Hudok? Manat-manat ma hamu mida ragi ni halak Parise dohot Saduse!”

MATEUS 16:9

Na so mangarti dope hamu? Adong he na so diingot hamu be roti na lima i, tu na lima ribu halak i? Piga ampang lobi-lobi ni roti na nipalagutmunu i?

MARKUS 6:52

Inda diastui halahi dope taringot tu roti na lima i na gabe hahomangan. Na maolan halahi anso mangarti.

MARKUS 7:18

Didok Jesus ma tu halahi, “Na sarupa do bodomunu hape dohot halak na asing i? Nada he diboto hamu sude na masuk sian duru tu bagasan ni sada-sada halak inda gabe pahodarkon halahi i?

MARKUS 9:32

Nada diastui angka sisean ni Jesus i na niajarkonNia i, tapi mabiar halahi marsapa tuSia.

LUKAS 18:34

Tapi sudena i saotik pe nada diastui angka siseanNia i. Nada tardodo halahi angka pandohan ni Jesus i. Nada diboto halahi sanga tudia lapatna na nidokkonNia i.

LUKAS 24:45

Dung i dibuka Jesus ma pikiran ni halahi anso diastui halahi na nidok ni Buku Na Badia i.

LUKAS 9:45

Nada diastui halahi i sanga aha maksud ni Jesus. Nian na dirahasiahon do tu halahi taringot tusi umbaen na so diastui halahi maksudna. Tapi halahi pe mabiar laho manyapaisa tu Jesus.

IBRANI 5:12

Satutuna nian, madung hatihana gabe guru hamu, hape angkon laing porlu dope hamu marsiajar tu halak na asing taringot tu ojahan ni angka pangajaran ni Debata. Laing na so tarpangan hamu dope panganon na pir; angkon laing minum susu sajo dope hamu.