MATEUS 15:13 - BIBEL JAMITA NA DENGGAN

¹³ Dialusi Jesus ma, “Sude suan-suanan na so nisuan ni Damang na di banua ginjang i, angkon niumpat dohot urat-uratna.

MATEUS 15:13 ပူးပေါင်းရင်းမြစ်များ

MASMUR 92:13

Tudos do halahi tu hayu na disuan di Bagas Ni Tuhan, jana manyarmak di Bagas Ni Debatanta;

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

MATEUS 15:12

Dung i gabe didok anak siseanNia i ma tuSia, “Diboto Guru i dehe na goyak roha ni halak Parise i, umbege hata na nidok ni Guru i?”

JOHANNES 15:1

“Au do bona ni anggur na tutu, jana Damang do parkobun i.

JOHANNES 15:2

Diambungkon Ia do sude rantingKu na so marbatu; jana sude ranting na ramos dipaias Ia do anso mur ramos muse batuna.

JOHANNES 15:6

Sanga ise na so tinggal di bagasan Au, ambungkonon ma ia songon ranting i gabe mahiang. Angka ranting na songon i, sipalaguton ma i jana siambungkonon tu bagasan api, anso mosok.

1 KORINTUS 3:9

Rap parkarejo ni Debata do hami na dua; tapi anggo hamu kobun ni Debata do dohot bagas ni Debata.

JUDAS 1:12

Muda hatiha mambaen pesta parjamuan hamu, laing halahi ma tongtong na mambaen tilako di hamu. Angke nada adong ila ni roha ni halahi, na songkal jana na pamokmokkon dirina. Songon ombun na niombuskon ni alogo do halahi, hape nada parohon udan. Laing songon suan-suanan do halahi na so marbatu haru pe madung dapot musimna; songon suan-suanan na niumpat do halahi gabe rahar.