MATEUS 15:10 - BIBEL JAMITA NA DENGGAN

¹⁰ Dung i dipio Jesus ma halahi jana didok Ia ma tu halahi. Didok Ia ma tu halahi, “Tangihon hamu ma jolo! Tangkas parrohahon hamu!

MATEUS 15:10 ပူးပေါင်းရင်းမြစ်များ

1 RAJA-RAJA 22:28

Didok si Mika ma, “Muda horas torkis do tuan i mulak, i ma tandana na so mandok hata Tuhan marhite sian au! Tu hamu sude ma na hudok on!”

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

JESAYA 6:9

Dung i disuru Ia ma au maroban tona sisongon on tu bangsoNia: “Torus do hamu sai manangihon, tapi nada mangastui. Sai torus do nian hamu mamparrohahon, hape nada diboto hamu sanga aha na masa.

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

MATEUS 15:11

Nada na masuk tu pamangan na pahodarhon jolma, tapi na haruar sian pamangan i do na pahodarhon.”

MATEUS 15:9

Inda adong gunana disomba halahi Au, harana angka aturan ni jolma do diajarhon halahi!’ ”

MATEUS 24:15

“Idaonmunu ma masa hajahatan na manyegohon tarjadi di inganan na badia on, songon na nidok ni Panurirang Daniel. (Sanga ise na manyise i: Diparate-atehon ma artina!)

LUKAS 24:45

Dung i dibuka Jesus ma pikiran ni halahi anso diastui halahi na nidok ni Buku Na Badia i.

EPESUS 1:17

Hupangido anso dilehen Debata ni Tuhanta Jesus Kristus, i ma Debata na sangap i, TondiNia tu hamu. Gabe marbisuk do hamu baenon ni Tondi i, jana patandahononNia ma Debata tu hamu anso ditanda hamu Ia.

KOLOSSE 1:9

I do umbaen na hami tangiangkon hamu tongtong mamungka hami bege taringot tu hamu. Hami pangido do tu Debata anso dilehen Tondi Parbadia nian di hamu hamaloan dohot pangastuion anso diboto hamu tangkas sanga aha na nipangido ni roha ni Debata.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.