MATEUS 14:9 - BIBEL JAMITA NA DENGGAN

⁹ Marsak ma roha ni si Herodes umbege pangidoan i. Tapi hara ni janjinia nangkin dijolo ni halak na ro i, gabe diparentahon ia ma anso nioloan pangidoan ni anakboru i.

MATEUS 14:9 ပူးပေါင်းရင်းမြစ်များ

PARJAMITA 5:2

Jolo nipikiran ma painte so nidok hata, jana ulang matibutu marjanji tu Debata. Di banua ginjang do Ia jana ho di tano on, jadi bangkol ma ho mandok hatamu.

MATEUS 14:1

Jadi hatiha i tarbege ma tu si Herodes, gubernur ni Galilea taringot tu Jesus.

MATEUS 14:10

Disuru ia ma halak tu hurungan laho manggotap ulu ni si Johannes.

MATEUS 14:5

Jadi, giot bunuon ni si Herodes ma si Johannes, tapi mabiar ia mida halak. Harana, dietong roha ni halak do si Johannes songon panurirang.

MATEUS 14:8

Jadi diirang-irangi inangna ma anakboru i gabe didok ia ma pangidoannia, “Lehen ma di au ulu ni si Johannes Pandidi di ginjang talam on!”

MARKUS 6:14

Lalu do angka barita na songon i tu Raja Herodes. Harana ma tarbonggal do goar ni Jesus sanga na di dia. Adong halak na mandok, “Madung mulak mangolu si Johannes Pandidi sian na mate. I do umbaen na margogo Ia mambaen angka tanda hahomangan i.”

MARKUS 6:20

Anggo si Herodes disuruhon ia do anso denggan dijagoi ngolu ni si Johannes. Harana, mabiar do ia mida si Johannes. Angke diboto ia na tigor do si Johannes on, i ma suruan ni Debata. Tutu do nian, muda mangkobari si Johannes, sai tabo do dihilala si Herodes manangihon haru pe gabe marhusari sajo rohania hara ni i.

MARKUS 6:26

Marsak situtu ma raja i mambege pangidoan i. Tapi inda tarjua ia be pangidoan i hara ni na dung tarsung marsumpa ia dijolo ni angka tamunia i.

LUKAS 13:32

Dialusi Jesus ma, “Kehe ma ho paboahon tu sorigala i, ‘Sadari on lopus tu ancogot mangusir setan do Au dohot pamalum angka na marnyae, tapi pasidungonKu ma i di ari patoluhon.’

HAKIM-HAKIM 11:39

Dung salpu dua bulan, mulak ma ia mandapotkon amangnia, dung i dipatulus amangnia i ma na nijanjihonna i tu Tuhan. Jadi marujung mangolu ni anak boru i dompak di sihabujingonna. I ma asal mulana umbaen na somal di tonga-tonga ni halak Israel,

HAKIM-HAKIM 21:1

Dompak na marlagut halak Israel di Mispa, marjanji do halahi tu Tuhan bahaso na so adong sian halahi na giot mangisinkon boruna gabe saripe ni halak Benyamin.

1 SAMUEL 14:24

Di ari i, anggo halak Israel nada margogo be hara ni malena, angke madung disumpahon si Saul songon on, “Hona bura ma sanga ise na mangankon bagi aha di ari sadari on painte so palalu hosom au tu musungku.” Jadi hara ni i, umpe sahalak na mangan di na sadari i.

1 SAMUEL 14:28

Dung i adong ma sada halak tentara i na mandok tusia, “Anggo hami ma gale-gale hara ni malena. Hape diancam amanta hamu do hami dohot sumpa on, ‘Hona bura ma sanga ise na mangan di ari sadari on.’ ”

1 SAMUEL 25:22

Sai dibunu Debata ma au muda so hubunu sude halaklahi na adong disi painte so bincar mataniari!”

1 SAMUEL 28:10

Dung i disumpahon si Saul ma, didok ia ma, “Mangasahon Tuhan na mangolu i, marjanji au na so hona uhum ho hara ni na mambaen songon on.”