MATEUS 14:8 - BIBEL JAMITA NA DENGGAN

⁸ Jadi diirang-irangi inangna ma anakboru i gabe didok ia ma pangidoannia, “Lehen ma di au ulu ni si Johannes Pandidi di ginjang talam on!”

MATEUS 14:8 ပူးပေါင်းရင်းမြစ်များ

1 RAJA-RAJA 18:13

Adong he na so unjung dope dibege amang na hutabunihon saratus halak panurirang ni Tuhan di angka liang dompak na nibunu ni si Isebel sian halahi – lima pulu halak di sada liang – jana hulehen halahi mangan dohot minum?

1 RAJA-RAJA 18:4

Dompak na nibunu ni si Isebel angka panurirang ni Tuhan, ditolong si Obaja do saratus halak panurirang ni Tuhan, ditabunihon ia halahi di angka liang – lima pulu halak di sada liang – jana dilehen ia panganon dohot inumon ni halahi.)

1 RAJA-RAJA 19:2

Gabe ditonahon si Isebel ma barita on tu si Elia, “Sai diuhumi angka debata ma au, dibunu pe au jadi ma, anggo so hubaen ancogot songon on ari tu ho songon na nibaenmi tu angka panurirang i.”

2 RAJA-RAJA 11:1

Disi tarbege tu si Atalia taringot tu hamamate ni anaknia si Ahasia i, diparentahon ia ma anso dibunu sude horong ni si Ahasia.

ESRA 1:9

Songon on ma daftarna i: Angka mangkuk sere sipakeon di upacara marhaul 30 Angka mangkuk perak sipakeon di upacara marhaul 1.000 Angka mangkuk na asing 29 Angka mangkuk sere na menek-menek 30 Angka mangkuk perak na menek-menek 410 Angka parkokas na asing 1.000

PODA 1:16

Nada sombu roha ni halahi anggo so jolo mangkarejohon na jat. Sai na matua hobas do halahi laho mamunu.

PODA 29:10

Goyak do roha ni sibunu jolma tu na bulus marroha, tapi anggo halak na burju ondihononna do ia.

MATEUS 14:11

Dung i dioban ma ulu ni si Johannes i masuk, dibaen ma i tu talam laho mangalehen tu anak boru i. Dung i dipasahat anakboru i muse ma tu inangnia i.

MATEUS 14:7

Gabe dijanjihon ia ma tu anakboru i, pola marsumpa ia, sanga aha pangidoannia, lehenon ma disia.

MATEUS 14:9

Marsak ma roha ni si Herodes umbege pangidoan i. Tapi hara ni janjinia nangkin dijolo ni halak na ro i, gabe diparentahon ia ma anso nioloan pangidoan ni anakboru i.

MARKUS 6:24

Dung i haruar ma anak boru i manyapai inangnia i, “Ate he inang! Aha do na dumenggan sipangidoonku?” ning ia. Dialusi inangnia i ma, “Ulu ni si Johannes Pandidi i ma pangido.”

MARKUS 6:25

Manigor mangulahi ma anak boru i mandapotkon raja i mandok, “Hupangido ma di raja i anso dilehen di au manigor saonnari ulu ni si Johannes Pandidi, dibaen di ginjang ni sada talam!”

MARKUS 6:28

Dung i dioban ia ma uluna i di ginjang talam laho pasahatkon tu anak boru i. Dilehen anak boru i muse ma tu inangnia i.