MATEUS 14:6 - BIBEL JAMITA NA DENGGAN

⁶ Jadi hatiha marpesta ulang tahun ia, manortor ma boru ni si Herodias di jolo ni halak na ro i. Jop sajo ma roha ni si Herodes marnida na manortor i.

MATEUS 14:6 ပူးပေါင်းရင်းမြစ်များ

PAMUNGKAAN 40:20

Jadi di na marulang tahun raja i, i ma tolu ari dung i, mambaen pesta godang ma raja i di sude pagawenia; diparuar ia ma pangurus ni siinumon dohot pangurus ni rotinia i sian hurungan jana dioban ia halahi tu jolo ni sude pagawenia i.

ESTER 2:18

Dung i dibaen raja i ma horja godang songon na pasangapkon si Ester jana diontang raja i ma sude pagawe dohot angka na sangapna. Dipabotohon ia ma ari paradianan di sandok harajaan i jana dibagi-bagihon ia ma silua marlobi-lobi.

MATEUS 14:3

Tutu do i, na nipatangkupkon ni si Herodes do si Johannes. Diihoti, dipamasuk tu hurungan. Hara ni si Herodias dadaboru ni si Pilipus angginia sandiri.

MATEUS 14:7

Gabe dijanjihon ia ma tu anakboru i, pola marsumpa ia, sanga aha pangidoannia, lehenon ma disia.

MATEUS 22:24

“Guru,” ninna halahi, “Anggo si Musa mangajarkon songon on do: Muda mate sada bayo na so adong dope anakna, angkon patugincaton ni anggina do dadaboru na nitinggalkonnia i anso adong na mangalehen pomparan di bayo na dung mate i.

MARKUS 6:14

Lalu do angka barita na songon i tu Raja Herodes. Harana ma tarbonggal do goar ni Jesus sanga na di dia. Adong halak na mandok, “Madung mulak mangolu si Johannes Pandidi sian na mate. I do umbaen na margogo Ia mambaen angka tanda hahomangan i.”

MARKUS 6:17

Angke si Herodes sandiri do marsuru halak manangkup si Johannes anso dipamasuk tu hurungan. Hara ni si Herodias anggi borunia ma dibaen ia songon i. Angke ma dibuat ia si Herodias haru pe dadaboru ni angginia si Pilipus do i.

MARKUS 6:19

Hara ni i ma umbaen na gabe hosom roha ni si Herodias mida si Johannes. Tapi inda tarbaen ia na di rohania i, angke sai disundati si Herodes.

MARKUS 8:15

“Manat-manat ma hamu maradopkon ragi ni halak Parise dohot ragi ni si Herodes,” ninna Jesus tu halahi.

LUKAS 13:31

Laing di hatiha i, adong ma marroan angka halak Parise tu Jesus, mandok, “Ulang Ho maringanan dison! Morot ma Ho tu inganan na asing, angke giot bunuon ni si Herodes ma Ho.”

LUKAS 23:11

Dipacia-cia si Herodes dohot angka tentarana i ma Jesus, diincak-incahi, dung i diabitkon halahi ma tusia pakean hasangapan, dung i ditongos halahi ma Jesus mangulahi tu si Latus.

LUKAS 23:7

Jadi dung diboto ia na marasal sian Luat Galilea do Jesus, i ma luat na masuk tu kuaso ni si Herodes, disuru oban si Latus ma Jesus tu si Herodes na topet di Jerusalem hatiha i.

LUKAS 3:1

Di taon palima bolaskon dung mamarenta Kesar Tiberius, si Pontius Pilatus ma na gabe gubernur di Judea, jana si Herodes mamarenta di Galilea. Si Pilipus dongan saama ni si Herodes mamarenta di Luat Iturea dohot Trakhonitis, jana si Lisanias mamarenta di Abilene.

LUKAS 3:19

Bope si Herodes, gubernur ni Galilea i laing digorahon si Johannes do hara ni na nibuatnia si Herodias dadaboru ni anggina bope hara ni sude hajahatannia na asing na nibaennia.

LUKAS 8:3

dohot si Johanna daboru ni si Khusa, bendahara ni Raja Herodes; si Susanna, bahat dope tehe daboru na asing. Halahi sandiri do na pasingkop na hasaya di Jesus rap dohot angka siseanNia i.

BAENON NI ANGKA RASUL 12:1

Di hatiha i mamungka ma Raja Herodes mamparkanciti piga-piga halak sian ruas ni parlagutan.

BAENON NI ANGKA RASUL 4:27

Tutu do songon i. Angke marlagut do si Herodes dohot si Pontius Pilatus rap dohot halak na so mananda Tuhan bope halak Israel di kota on. Marlagut do halahi laho mangalo Jesus NaposoMu Na Badia i, na NimiahanMi,