MATEUS 14:27 - BIBEL JAMITA NA DENGGAN

²⁷ Tapi manigor digora Jesus ma mangalusi, “Pasonang hamu ma! Au do i. Ulang mabiar hamu!”

MATEUS 14:27 ပူးပေါင်းရင်းမြစ်များ

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

JESAYA 41:4

Ise do na mambaen dohot mangkarejohon i sudena? Au Tuhan, na parjolo, na sian parmulaan mamio bangkit angka pomparan, jana tu na giot ro Au tongtong rap dohot halahi.

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

MATEUS 14:28

Dung i didok si Petrus ma, “O, Tuhan, muda tutu Ho do i, suruhon ma anso ro au tu Ho mardalan di ginjang ni aek i.”

MATEUS 17:7

Tapi ro ma Jesus manjama halahi, ning Ia ma, “Jongjong ma hamu, ulang hamu mabiar!”

MATEUS 28:10

Jadi didok Jesus ma tu halahi, “Ulang hamu mabiar, kehe ma hamu, baritahon hamu ma i tu angka kahanggingKu anso kehe halahi tu Galilea, disi ma diida halahi Au.”

MATEUS 28:5

Didok surusuruan i ma tu angka dadaboru i, “Ulang hamu mabiar! Huboto do na manjalahi Jesus na diparsilangkon i do hamu.

MATEUS 9:2

Jadi ro ma halak maroban sada bayo na onyangon payak di podomanna. Di na niida ni Jesus godang ni haporsayaan ni halahi, ning Ia ma tu na onyangon i, “Papos ma rohamu, amang! Madung nisesa dosamu.”

MARKUS 6:50

Gabe manyongkir ma halahi hara ni biarna. Harana sude do halahi marnida Ia, jana sude rap tarsonggot. Tapi manigor dipangkulingkon Jesus ma halahi, “Ulang hamu mabiar! Au do i.”

LUKAS 1:13

Tapi ninna surusuruan i ma tusia, “Ulang ho mabiar Zakaria! Madung dijagit Debata tangiangmi. Sorang ma sada anakmu sian dadaborumu si Elisabet. Angkon si Johannes do goarna baenonmu.

LUKAS 1:30

Dung i didok surusuruan i ma tusia, “O, Maria, ulang ho mabiar dibaen jop do roha ni Debata mida ho.

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

LUKAS 2:10

Tapi didok surusuruan i ma, “Ulang hamu mabiar! Angke na maroban barita na denggan do au di hamu, barita na pajopkon roha ni sude bangso.

LUKAS 5:10

Laing songon i muse ma angka dongan ni si Simon, i ma si Jakobus dohot si Johannes dakdanak ni si Zebedeus. Didok Jesus ma tu si Simon, “Ulang ho mabiar! Mamungka saonnari gabe sijala jolma noma ho.”

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

JOHANNES 6:20

Tapi didok Jesus ma tu halahi, “Ulang hamu mabiar, Au do i!”

BAENON NI ANGKA RASUL 23:11

Borngin na mangihut i ro ma Tuhan jongjong di lambung ni si Paulus mandok, “Papos ma rohamu! Madung dilehen ho hasaksian taringot tu Au di Jerusalem. Angkon laing saksihononmu ma songon i di Rom muse.”