MATEUS 14:23 - BIBEL JAMITA NA DENGGAN

²³ Dung marmulahan halak na bahat i, manangkok ma Jesus sada Ia tu sada dolok laho martangiang. Ma samon hatiha i, laing disi dope Jesus, hum sasada Ia sajo.

MATEUS 14:23 ပူးပေါင်းရင်းမြစ်များ

MATEUS 26:36

Dung i lalu ma Jesus rap dohot angka anak siseanNia i tu sada inganan na margoar Getsemane. Didok Ia disi tu halahi, “Dison ma jolo hamu juguk painte martangiang Au santongkin.”

MATEUS 6:6

Tapi muda martangiang ho, masuk ma tu bilik, kunci ma pintuna i. Disi ma ho martangiang tu Amangmu na so tarida i. Diida Ia do sanga aha na nibaenmu di na so pamotoan ni halak. LehenonNia ma upa ni i tu ho.

MARKUS 1:35

Ancogotna i taran golap dope ari, ngot ma Jesus. Kehe ma Ia tu balian tu inganan na lungun. Martangiang ma Ia disi.

MARKUS 6:46

Dung dipakehe Ia angka anak siseanNia i, manangkok ma Ia tu dolok i laho martangiang.

LUKAS 3:21

Dung dipandidihon sudena halahi, dipandidihon muse ma Jesus. Jadi hatiha martangiang Ia, mungkap ma langit,

LUKAS 5:16

Dung i kehe ma Jesus tu inganan na buni giot martangiang.

LUKAS 6:12

Jadi manangkok ma Jesus hatiha i tu sada dolok laho martangiang. Martangiang ma Ia saborngin i tu Debata.

LUKAS 9:18

Di sada ari hatiha martangiang Jesus sada Ia, ro ma angka siseanNia mandapotkon Ia. Disapai Jesus ma tu halahi, “Ise dehe Au, didok halak?” ning Ia.

LUKAS 9:28

Dung adong tar sapoken dung diajarkon Jesus taringot tusi, dioban Ia ma si Petrus, si Johannes dohot si Jakobus tu ginjang ni sada dolok laho martangiang.

BAENON NI ANGKA RASUL 6:4

Anggo hami, giot mangkaburjuhon pikirannami di bagasan tangiang dohot manjamitahon hata i.”