MATEUS 14:10 - BIBEL JAMITA NA DENGGAN

¹⁰ Disuru ia ma halak tu hurungan laho manggotap ulu ni si Johannes.

MATEUS 14:10 ပူးပေါင်းရင်းမြစ်များ

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

MATEUS 14:11

Dung i dioban ma ulu ni si Johannes i masuk, dibaen ma i tu talam laho mangalehen tu anak boru i. Dung i dipasahat anakboru i muse ma tu inangnia i.

MATEUS 14:9

Marsak ma roha ni si Herodes umbege pangidoan i. Tapi hara ni janjinia nangkin dijolo ni halak na ro i, gabe diparentahon ia ma anso nioloan pangidoan ni anakboru i.

MATEUS 17:12

Tapi Hudok ma di hamu, madung ro nian si Elia, tapi nada ditanda halak ia. Gabe roha-roha ni halak ma mambaen sanga aha tusia. Laing songon i muse ma Anak Ni Jolma i manaon parhancitan sian halahi.”

MARKUS 9:13

Hudok ma di hamu! Satutuna, ma ro anggo si Elia tapi roha-roha ni halak do dipambaeni tusia. Jadi tutu do na tarsurat di Buku Na Badia i taringot tu si Elia sandiri.”

LUKAS 9:9

Ning si Herodes ma, “Madung hugotap ulu ni si Johannes. Tapi ise do satutuna Indon? Madung bahat nian na hubege taringot tuSia.” Gabe diusahahon ia ma giot marnida Jesus.

HALUMBAAN 11:7

Dung sidung dipaboa halahi jamita ni halahi i, ro ma binatang na ruar sian rura hamatean i mangalo halahi. Taluhononnia ma halahi jana bunuonnia.