MATEUS 13:6 - BIBEL JAMITA NA DENGGAN

⁶ Tapi dung manaek mataniari, rahar ma i lalu mate hara ni pejet ni uratna i.

MATEUS 13:6 ပူးပေါင်းရင်းမြစ်များ

JESAYA 49:10

Nada malean halahi sanga manguas, alogo na milas dohot mataniari na mamilngas pe nada hona tu halahi, Au na manghaholongi halahi, sai mandongani, jana tu angka mual na gok aek toguonKu halahi.

MATEUS 13:21

Tapi nada pola sadia gomos di bagasan roha ni halahi, gabe inda sadia honok tahan. Muda ro hasusaan dohot pangayak-ayahan hara ni jamita i, manigor marbalik ma halahi.

MATEUS 13:5

Adong muse ma na madabu tu tano na marbatu-batu, saotik sajo tanona. Manigor tubu do i hara ni na saotik i tanona.

MATEUS 13:7

Adong muse ma na madabu tu antara ni duri-duri. Mur magodang ma duri-duri i gabe tarhapit ma same i.

MARKUS 4:6

tapi dung mamungka manaek mataniari, gabe malos ma suan-suanan na baru tubu i lopus mahiang. Harana, nada jabat bagas dope uratna boti hara ni na so sadia i tanona.

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

EPESUS 3:17

Hara ni na porsaya i hamu tu Kristus, sai maringanan ma nian Kristus di bagasan rohamunu, jana mur togu ma ngolumunu hara ni holong ni roha na dung marurat di bagasan hamu.

KOLOSSE 1:23

Hara ni i angkon ojak jana togu do hamu di bagasan haporsayaan i, jana nada ra be hamu nipaorot sian arop ni roha ni Jamita Na Denggan na dung binegemunu. Madung dijamitahon jamita i tu sude na nitompa di tano on, jana na dung gabe naposo ni i do au si Paulus.

KOLOSSE 2:7

jana marurat tuSia ma hamu. Pajongjong hamu ma ngolumunu jana Kristus ma baen hamu ojahanna. Sugari mur margogo ma nian haporsayaanmunu hombar tu na dung diajarkon tu hamu. Jana sai mur marsigorgor ma rohamunu mandok tarimakasi.

HALUMBAAN 7:16

Nada be male halahi sanga manguas; nada taonon ni halahi mataniari sanga las ni ari,