MATEUS 13:57 - BIBEL JAMITA NA DENGGAN

⁵⁷ Gabe nada ra halahi manjagit Jesus. Gabe didok Jesus ma tu halahi, “Jadi anggo panurirang, sanga di dia pe dipasangap halak do i. Tapi nada sangap ia anggo di huta hagodangan dohot di bagasnia sandiri.”

MATEUS 13:57 ပူးပေါင်းရင်းမြစ်များ

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

JESAYA 8:14

Dibaen na sun badia do Au, gabe batu partuktuhan ma Au di rayat ni Juda, Israel dohot Jerusalem. Songon tirangkap do Au na giot manangkup halahi.

MATEUS 11:6

Martua do halak na so mandele hara ni Au!”

MATEUS 13:58

Hara ni i, gabe nada bahat hahomangan dibaen Jesus disi. Hara ni na so porsaya i halahi.

MARKUS 6:1

Mulak ma Jesus rap dohot angka anak siseanNia, tu huta hagodanganNia.

MARKUS 6:14

Lalu do angka barita na songon i tu Raja Herodes. Harana ma tarbonggal do goar ni Jesus sanga na di dia. Adong halak na mandok, “Madung mulak mangolu si Johannes Pandidi sian na mate. I do umbaen na margogo Ia mambaen angka tanda hahomangan i.”

MARKUS 6:3

Na he tukang hayu do Ia, i ma anak ni si Maria i? Angka si Jakobus, si Joses, si Judas dohot si Simon na he anggiNia do i? Jana nada he rap dohot hita do angka ibotoNia i?” Hara ni i ma umbaen na so ra halahi manjagit Ia.

MARKUS 6:4

Dung i didok Jesus ma tu halahi, “Sude do panurirang dipasangap sanga na di dia pe, asing sian di huta hagodanganna dohot di tonga-tonga ni kahanggina dohot sisolkotna sandiri.”

LUKAS 4:24

Dung i didok Jesus dope tu halahi, “Porsaya ma hamu, nada adong sada panurirang na dipasangap di hutana sandiri.

LUKAS 7:23

Jana martua ma halak na so marganggu ni roha marnida Au!”

JOHANNES 4:44

Jesus sandiri do manyaksihon, “Nada dipasangapi panurirang, anggo di kota hagodanganna sandiri.”

JOHANNES 6:42

Didok halahi ma, “Na he Jesus anak ni si Josep i do on? Hami tanda do amangNia dohot inangNia! Biasi ma he didokkon Ia na mijur sian banua ginjang Ia?”

JOHANNES 6:61

Haru pe so jolo adong halak na paboahonsa, madung diboto Jesus do na marungut-ungut angka siseanNia i taringot tusi. Dung i gabe ning Ia ma tu halahi, “Adong he na so sonang rohamunu di pangajaran i?