MATEUS 13:36 - BIBEL JAMITA NA DENGGAN

³⁶ Dung i ditinggalkon Jesus ma halak na bahat i. Mulak ma Ia. Dung i ro ma anak siseanNia i mandapotkon Ia laho manyapai, “Paboa ma tu hami, sanga aha do astuan ni umpama taringot tu simareme-eme na di ladang i.”

MATEUS 13:36 ပူးပေါင်းရင်းမြစ်များ

MATEUS 13:1

Laing di na sadari i, kehe ma Jesus sian bagas i tu topi ni dano. Disi ma Ia juguk.

MATEUS 13:11

Dialusi Jesus ma, “Harana, tu hamu do por roha ni Debata paboahon sitabunian ni harajaanNia. Anggo tu na asing i, nada.

MATEUS 13:18

“Tangihon hamu ma astuan ni umpama taringot tu panyabur i.

MATEUS 13:25

Jadi di sada borngin, dung marmodoman sude halak, ro alo ni partani i manyabur simareme-eme di tonga-tonga ni eme i. Dung i kehe ia.

MATEUS 14:22

Dung i disuru Jesus ma angka anak siseanNia i marparau anso parjolo halahi taripar tu bariba, jana disuru Ia ma halak na bahat i mulak.

MATEUS 15:39

Dung i disuru Jesus ma halahi marmulahan. Tapi anggo Jesus, marparau ma sada Ia, laho kehe tu Luat Magadan.

MATEUS 9:28

Di na masuk Jesus tu sada bagas, manigor ro ma na mapitung na dua i mandapotkon Ia. Jadi ninna Jesus ma manyapai halahi, “Porsaya dehe hamu, tarpamalum Au hamu?” “Porsaya do hami Tuhan!” ninna halahi.

MARKUS 4:34

Sai marumpama do Jesus muda mangajari Ia tu halak na bahat i. Tapi anggo Ia dohot angka siseanNia i sajo, dipatorang Ia do sude tu halahi.

MARKUS 6:45

Diompoti Jesus ma marsuru angka anak siseanNia i kehe marparau parjolo sian Ia tu Betsaida na di ipar ni dano i, jana disuru Ia ma halak na bahat i marmulahan.

MARKUS 7:17

Jadi dung ditadingkon Jesus halak na bahat i masuk ma Ia tu bagas. Disapai angka anak siseanNia i ma sanga aha astuan ni pandohan nangkin.

MARKUS 8:9

Adong ma na mangan i hira-hira opat ribu halak. Dung i disuru Jesus ma halahi mulak,