MATEUS 13:33 - BIBEL JAMITA NA DENGGAN

³³ Adong dope umpama na asing dicaritohon Jesus tu halak na bahat i. “Anggo Harajaan Ni Banua Ginjang tarsongon ragi do i. Dibuat anak boru i ma ragi i, dicampurkon ia ma tu topung tolu tabung, lopus kombang sude!”

MATEUS 13:33 ပူးပေါင်းရင်းမြစ်များ

PAMUNGKAAN 18:6

Diompoti si Abraham ma masuk tu bagasan bandarnia i jana didok ia ma tu si Sara, “Ompoti ma buat topung na dumenggan, tutung ma roti intap ni na tuk.”

2 SAMUEL 13:6

Dung i modom ma si Amnon di podoman, tarsongon na marnyae. Jadi di na ro Raja Daud mangaligisa, didok si Amnon ma tu amangnia i, “Paloas ma jolo amang ro si Tamar lalu marmasak kue dison anso tarbaen au mangaligi ia, anso lobas au mangan.”

JOB 17:9

Angka halak na denggan dohot na so marsala, mur marpos ni roha di pardangolan ni ngoluna na tumbuk tu Debata.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

MATEUS 13:24

Dung i dipaboa Jesus ma sada hari umpama tu halak na bahat i songon on, “Anggo Harajaan Ni Banua Ginjang tudos do i tu sada halak partani na manyabur same na denggan di ladangnia.

MARKUS 13:20

Sugari na so dipapendek Debata na masa i, umpe sahalak na tarbaen malua. Tapi hara ni halak na nitodoNia i, gabe dipapendek Debata ma na masa i.”

LUKAS 13:21

Tudos ma i songon ragi na nibuat ni sada dadaboru jana digaorkon ia ma i dohot opat pulu liter topung, lopus nipamancom sudena.”

JOHANNES 15:2

Diambungkon Ia do sude rantingKu na so marbatu; jana sude ranting na ramos dipaias Ia do anso mur ramos muse batuna.

GALATIA 5:9

“Gabe kombang do sude adonan i hara ni ragi na saotik sajo.”

PILIPPI 1:6

Debata sandiri do na mamungka karejo na denggan i di tonga-tongamunu. Jana pos do rohangku toruskononNia karejo i lopus tu ari haroro ni Kristus Jesus mangulahi.

PILIPPI 1:9

On do tangiangku salaho tu hamu: Anso nian mur mabagas holong ni rohamunu mardongan parbinotoan na sintong bope dohot panatapan na tumbuk,

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.

HAKIM-HAKIM 6:19

Jadi mulak ma si Gideon, dilompa ia ma sada hambeng jara-jara, dibuat ia ma sampulu kilogram topung, dung i dibaen ia ma roti na so marragi. Dung salpu i dibaen ia ma juhut i di bagasan karanjang, jana kuana i di bagasan hudon, lalu dioban ia ma sudena i jana dipatupa ia tu Surusuruan Ni Tuhan i na paintehon di toru ni bona ni ara i.

1 SAMUEL 1:24

Dung mantak managuk si Samuel, ditaruhon inangnia ma ia tu Bagas Ni Tuhan di Silo, haru pe laing menek sajo dope ia. Dioban si Hanna muse ma sada lombu jantan na marumur tolu taon, topung sakaleng dohot sada kantongan na gok marisi anggur.