MATEUS 13:32 - BIBEL JAMITA NA DENGGAN

³² Na menehan do anggo batu ni sabi. Tapi muda dung tubu i, tardok, ia ma na gumodang sian sude na margoar simarata na dayuk bonana. Gabe songon hayu ma i. Marroan ma angka unggas marasar di dangkana i.”

MATEUS 13:32 ပူးပေါင်းရင်းမြစ်များ

MASMUR 104:12

Di lambungna i ma angka unggas mambaeni asarna; mangkulingi halahi di holang-kolang ni angka bulung-bulung.

JEHESKIEL 31:6

Marasari angka unggas na marrupa-rupa di rantingna. Binatang harangan mamopari di toruna. Sude bangso na godang na adong di portibi on marjugukan marsilaung di toruna.

DANIEL 4:12

Mangarata angka bulungna i, batuna pe ramos sajo, jabat tuk baen panganon ni jolma na satano on. Marmodoman angka binatang harangan di toruna i jana angka unggas pe marasari do di angka dangkana i. Jana sandok na mangolu dapotan sipanganon do sian ia.

MARKUS 4:30

“Tar tu aha ma antong umpamahononta Harajaan Ni Debata?” ninna Jesus manyapai halahi. “Aha ma tabaen tiruan laho patorangkonsa?

MARKUS 4:32

Dung disuan batuna i di tano, tubu ma i jana gabe gumodang sian sude suan-suanan na targoar simarata. Songon i ma rumbun ni angka dangkana i jabat marroan angka unggas jana tarbaensa marasar di toru ni angka dangkana i.”

LUKAS 13:18

Dung i didokkon Jesus ma, “Tudos tu aha ma Harajaan Ni Debata i? Tu aha ma patudosonKu?

BAENON NI ANGKA RASUL 1:15

Disada hatiha marlagut ma halahi, – hira-hira saratus dua pulu halak ma na ro i – jongjong ma si Petrus mandok hata. Ning ia ma,

BAENON NI ANGKA RASUL 21:20

Dung dibege halahi na nipajojor ni si Paulus i, gabe sude ma halahi mamuji Debata. Dung i didok halahi ma tu si Paulus, “Dongannami si Paulus! Angkon botoonmu do na dung marribu-ribu do halak Jahudi na porsaya. Burju-burju do halahi sudena mangoloi Tona i.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”